...तर 92 नंबरने आम्ही केवळ वीस मिनिटांत "पार्क गल" येथे पोहोचलो. हे आजचे आमचं पहिले इप्सीत स्थळ होतं. या विषयी बोलण्या आधी परत थोडं बार्सीलोनाकडे वळूया. हे शहर आपल्या वास्तुकला आणि स्थापत्यकलेसाठी युरोपियन राष्ट्रांत खूप नावाजलेले आहे. अंतोनियो गौडी हा एकोणिसाव्या शतकातील गाजलेला वास्तुशिल्पकार. त्याच्याच प्रेरीत बुद्धिने या शहराची बरीच वास्तु उभी राहिली. आणि आता ती समर्थ पणे गौडी शिल्पकला किंवा शिल्पशास्त्र म्हणून गणली जाते. स्पेनमध्ये मुख्यतः लोक गौडी वास्तुकला खास पहायला जातात तर असे हे "पार्क गल" कार्मेल टेकडीवर वसले आहे. उंच डोंगराळ ला सालुत, ग्रासीया जिल्ह्यात, बारसीलोनाच्या उत्तर भागात हे आहे.
डॉ. मनिषा कुलकर्णी