Union Budget 2026 Agriculture: शेतकऱ्यांसाठी १.६३ लाख कोटींचा निधी; काजू, नारळ आणि चंदनाच्या शेतीला मिळणार 'बूस्टर डोस'!

नवी दिल्ली: अर्थमंत्री निर्मला सीतारामन यांनी २०२६-२७ या आर्थिक वर्षाचा केंद्रीय अर्थसंकल्प सादर केला आहे. यंदाच्या बजेटमध्ये पारंपारिक शेतीसोबतच 'हाय-व्हॅल्यू' (उच्च मूल्य) पिकांवर विशेष भर देण्यात आला असून, कृषी क्षेत्रासाठी एकूण ₹१,६२,६७१ कोटींची तरतूद करण्यात आली आहे.

१. नगदी पिकांवर सरकारचा मोठा डाव

भारताला काजू आणि कोको उत्पादनात स्वयंपूर्ण करण्यासाठी सरकारने नवीन कार्यक्रम जाहीर केला आहे. २०३० पर्यंत भारतीय काजूला जागतिक स्तरावर 'प्रीमियम ब्रँड' बनवण्याचे उद्दिष्ट आहे. तसेच, किनारपट्टीच्या भागात नारळ आणि चंदनाच्या शेतीसाठी विशेष सवलती दिल्या जातील.

२. 'भारत-विस्तार' AI टूल

शेतकऱ्यांना हवामानाचा अंदाज, पिकांवरील रोग आणि बाजारभावाची माहिती देण्यासाठी 'भारत-विस्तार' हे AI आधारित अ‍ॅप लाँच केले जाईल. हे अ‍ॅप अनेक भाषांमध्ये उपलब्ध असेल, ज्यामुळे सामान्य शेतकऱ्याला तंत्रज्ञानाची मदत मिळेल.

३. खत सबसिडीत मोठी वाढ

जागतिक बाजारात खतांच्या किमती वाढल्या असल्या तरी, भारतीय शेतकऱ्यांवर त्याचा भार पडू नये म्हणून सरकारने ₹१.७१ लाख कोटींची खत सबसिडी जाहीर केली आहे. यामुळे युरिया आणि इतर खते स्वस्त दरात उपलब्ध होतील.

४. पशुपालन आणि मत्स्य व्यवसायाला गती

ग्रामीण भागात रोजगार निर्माण करण्यासाठी ५०० नवीन अमृत जलाशय विकसित केले जातील. मत्स्यपालनासाठी आणि दुग्ध व्यवसायासाठी स्टार्टअप्सना कर्ज आणि सबसिडीमध्ये प्राधान्य दिले जाईल.

पहा - Union Budget 2026 | निर्मला सीतारमण यांची अर्थसंकल्पानंतर पत्रकार परिषद

Full View