लोकांना शांततेत जगू द्या! अयोध्येत पूजेची संमती मागणाऱ्यांना सर्वोच्च न्यायालयाने फटकारले
अयोध्येत रामजन्मभूमीच्या जागेवर पूजा करण्याची मागणी करणाऱ्यांना सर्वोच्च न्यायालयाचे मुख्य न्यायाधीश रंजन गोगाई यांनी आज परवानगी नाकारली आहे. रामनवमीच्या पार्श्वभूमीवर रामजन्मभूमी भागात पूजा करण्यास संमती मिळावी यासाठी ही याचिका दाखल करण्यात आली होती.
अयोध्येतल्या रामजन्मभूमीच्या जागेवर पूजा करण्याची संमती मागणाऱ्यांनी देशाला शांततेत जगू द्यावं अशा शब्दात फटकारत सुप्रीम कोर्टाने पूजेची संमती मागणारी याचिका फेटाळली आहे. तुम्हाला देशात शांतता राखायची नाही का? असा प्रश्न विचारत मुख्य न्यायाधीश रंजन गोगोई यांनी याचिकाकर्त्यांना संमती नाकारली आहे.