आंध्रप्रदेशमध्ये राजकीय भूकंप ; मुख्यमंत्री जगनमोहन रेड्डी यांची बहिण शर्मिला काँग्रेसमध्ये सामील होण्याची शक्यता
आंध्रप्रदेशमध्ये राजकीय भूकंप होण्याची शक्यता वर्तवली जात आहे. मुख्यमंत्री वाय. एस. जगनमोहन रेड्डी यांची बहिण शर्मिला रेड्डी या कॉंग्रेसमध्ये सामील होण्याची शक्यता आहे. आंध्र प्रदेशचे प्रभारी मैनिकम टैगोर हे शर्मिला रेड्डी यांचा पक्ष वाईएसआर तेलंगाना पार्टी कॉंग्रेसमध्ये विलीन करण्याच्या प्रयत्नात आहेत.
दरम्यान मुख्यमंत्री वाय एस जगनमोहन रेड्डी यांची आई देखील मुलगी शर्मिला रेड्डी यांच्या बाजूने आहे. जगनमोहन रेड्डी कारागृहात असताना पक्षाची कमान सांभाळण्याचं काम शर्मिला रेड्डी यांनी केलं होतं. त्यामुळे शर्मिला रेड्डी यांना सोबत घेत कॉंग्रेस दक्षिणेत आपले लक्ष केंद्रीत करत असल्याचं दिसून येत आहे.
आगामी काळात होणाऱ्या लोकसभा निवडणुकीपूर्वी शर्मिला रेड्डी पक्षात सामील झाल्या तर दक्षिणेत तेलंगणा नंतर आंध्र प्रदेशमध्ये काँग्रेसची ताकद वाढू शकते. काही दिवसांपूर्वी शर्मिला रेड्डी यांनी सोनिया गांधी यांची दिल्लीत येथे भेट देखील घेतली होती. लवकरच त्या राहुल गांधी आणि मल्लिकार्जुन खरगे यांचीही भेट घेणार असल्याची माहिती मिळत आहे.