US backs down Iran conflict : युद्धात अमेरिका मागे, इराण ठाम - इस्रायल एकटं पडतंय का?

Trump cancel Iran ultimatum ट्रम्पने इराणला दिलेला ४८ तासाचा अल्टिमेटम त्याने स्वतःच बाजूला करून इराणशी सकारात्मक बोलणी करायची इच्छा व्यक्त केली आहे. म्हणजे किमान जाहीरपणे तरी तसं विधान केलं आहे.

जर युद्धाचा भडका थंड झाला तर त्यात जगाचा फायदाच आहे, पण यात एक गोष्ट विशेष लक्षात घेण्याजोगी आहे. ती म्हणजे इस्रायलचा होऊ घातलेला पराभव!

हे युद्ध मुळातच इस्राईलने अमेरिकेला भरीस घालून इराणची राजवट बदलण्यासाठी सुरू केलं होतं! तीच राजवट (जरी अनेक नेते मारले गेले असले तरी) इराणमध्ये टिकून राहिली आणि अमेरिकला त्याच राजवटीशी तह करून युद्ध गुंडाळून जावं लागलं, तर हा इस्रायलचा आतापर्यंतचा सर्वात मोठा पराभव नाही का ठरणार? कारण अमेरिकेच्या सहकार्याशिवाय एकट्याने इराणशी लढायची इस्राईलची क्षमता आणि स्ट्रॅटेजिक डेप्थ दोन्ही नाही हे या गेल्या काही आठवड्यात सिद्ध झालं आहे. आता इराणची हीच राजवट, जिने इस्रायलचे सर्व हल्ले पचवले आणि इस्रायलला दणकाही दिला, ती जर इराणमध्ये कायम राहिली तर इस्रायल या युद्धात स्ट्रॅटेजिकदृष्ट्या हरला असंच म्हणावं लागेल. कारण डोनाल्ड ट्रम्प यांनी कोणत्याही स्पष्ट उद्दिष्टांच्याशिवाय या युद्धात अक्कल गहाण ठेवून उडी घेतली हे खरं असलं तरी इस्रायलचा उद्देश फार आधीपासून स्पष्ट होता. तो म्हणजे इराणची राजवट बदलणे! त्यासाठीच त्यांनी हा सगळा अट्टाहास केला होता. तोच उद्देश असफल झाला आणि इराण जखमी असला तरी होता त्याच राजवटीबरोबर टिकून राहिला तर ही इस्रायलसाठी दीर्घकालीन फटका देणारी बाब ठरणार आहे.

या युद्धात इस्रायलच्या आयर्न डोमच्या मर्यादा उघड्या पडल्या, त्याचबरोबर गाझामधील दुबळ्या टोळ्यांशी लढणे आणि इराणसारख्या हजारो वर्षांचा इतिहास असलेल्या राष्ट्राची लढणे यात किती मोठा फरक असतो याचीही दणका देणारी अनुभूती त्यांना आली आहे आता फक्त इस्रायल हे सगळं सहन करून ट्रम्पला हे युद्ध संपवू देईल का इतकाच प्रश्न शिल्लक आहे!!

( साभार - सदर पोस्ट मकरंद देसाई यांच्या फेसबुक भिंतीवरून घेतली आहे.) 

Trump, Iran, Israel, MiddleEastCrisis, IranIsraelWar, USForeignPolicy, Geopolitics, IronDome, WarAnalysis, BreakingNews, GlobalPolitics OilCrisis, IndiaNews