राष्ट्रवादी काँग्रेसचे अध्यक्ष शरद पवार यांना कोरोनाची लागण झाली आहे. शरद पवार यांनी स्वत: ट्विट करुन याबद्दलची माहिती दिली आहे. त्यानंतर देशभरातून विविध नेत्यांनी शरद पवार यांच्या प्रकृतीची चौकशी करण्यासाठी फोन केले आहेत. यामध्ये खुद्द पंतप्रधान नरेंद्र मोदी यांनीही फोन करुन शरद पवार यांची चौकशी केली आहे. शरद पवार यांनी सोमवारी दुपारी आपल्याला कोरोनाची लागण झाल्याचे ट्विट केले होते. त्यानंतर सर्वपक्षीय नेत्यांनी शरद पवार यांच्या प्रकृतीची विचारपूस करत त्यांनी लवकर बरे होण्यासाठी शुभेच्छा दिल्या.
माझी कोविड टेस्ट पॉझिटिव्ह आली असून डॉक्टरांच्या सल्ल्यानुसार मी उपचार घेत आहे. काळजीचे कोणतेही कारण नाही.
— Sharad Pawar (@PawarSpeaks) January 24, 2022
गेल्या काही दिवसांपासून माझ्या संपर्कात आलेल्या सर्वांना विनंती की त्यांनी योग्य चाचण्या करून आवश्यक ती खबरदारी घ्यावी.
"माझी कोरोना चाचणी पॉझिटिव्ह आली असली तरी काळजी कऱण्यासारखे काही नाही" असे शरद पवार यांनी आपल्या ट्विटमध्ये म्हटले आहे. आपण डॉक्टरांच्या सल्ल्याने उपचार घेत आहोत, पण संपर्कात आलेल्या सगळ्यांनी स्वतःची टेस्ट करून घ्यावी आणि खबरदारी घ्यावी, असे आवाहनही शरद पवार यांनी केले आहे.
Prime Minister Shri Narendra Modi ji called to enquire about my health. I am thankful for his concern and good wishes.@PMOIndia
— Sharad Pawar (@PawarSpeaks) January 24, 2022
या वृत्तानंतर काही वेळातच पंतप्रधान नरेंद्र मोदी यांनी शरद पवार यांना फोन केला. याची माहिती शरद पवार यांनी ट्विटरवरुन दिली आहे. "पंतप्रधान नरेंद्र मोदी यांनी फोन करुन माझ्या प्रकृतीची चौकशी केली, त्यांचा मी खूप आभारी आहे" असे शरद पवार यांनी ट्विटमध्ये म्हटले आहे.