राज्यातील विविध मोठ्या प्रमाणात पाऊस पडत आहे. बंगालच्या उपसागरात कमी दाबाचे क्षेत्र आता अधिक तीव्र कमी दाबाच्या क्षेत्रात रुपांतर झाल्यानं महाराष्ट्रात सर्वत्र पाऊस पडत आहे. त्यामुळं पुढील दोन दिवस महाराष्ट्रात मुसळधार पावसाचा इशारा हवामान खात्यानं दिला आहे.
आज १३ आणि १५ ऑक्टोबर ला कोकण किनारपट्टीसह मराठवाडा आणि विदर्भात मुसळधार पावसाची शक्यता व्यक्त करण्यात आली आहे. तर १४ ऑक्टोबर ला हा पाऊस मध्य महाराष्ट्रातील काही जिल्ह्यात जोर पकडेल. तर पुणे जिल्ह्यात तुरळक ठिकाणी अतिवृष्टी होण्याची शक्यता व्यक्त केली जात आहे.