शरद पवारांच्या आमंत्रणाला फडणवीसांचा नकार, व्यस्त असल्याचे कारण देत मानले आभार

बारामतीमध्ये होणाऱ्या नमो रोजगार मेळ्याव्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार हे एकत्र येणार आहेत. यानिमित्ताने बारामतीमधील आपल्या घरी खासदार शरद पवार यांनी तिघांनाही जेवणाचे आमंत्रण दिले आहे. मात्र आधीच व्यस्थ कार्यक्रमामुळे आपल्याला यावेळी जेवणास घरी येणे शक्य नसल्याचे देवेंद्र फडणवीस यांनी कळवले आहे. यासंबंधी फडणवीस यांनी एक पत्र देखील शरद पवारांना लिहिले असून जेवायला निमंत्रण दिल्याबद्दल त्यांचे आभार मानले आहेत.

आगामी होणाऱ्या बारामतीमधील शासकीय कार्यक्रमात शरद पवार यांना निमंत्रित करण्यात आलेले नसल्याबद्दल विरोधी पक्षाकडून सत्ताधारी नेत्यांवर टीकेची झोड करण्यात आली.