नांदेडमध्ये बॅनरबाजी वरून अशोक चव्हाण व प्रताप पाटील चिखलीकर समर्थकांत शित युद्ध
अशोक चव्हाणांच्या समर्थकांनी लावलेल्या बॅनरवर प्रताप पाटलांचा फोटो गायब, तर खासदार प्रताप पाटील चिखलीकरांच्या बॅनरवर अशोक चव्हाणांचा फोटो शोधावा लागतोय.
माजी मुख्यमंत्री अशोक चव्हाण यांच्या भाजपा प्रवेशानंतर पहिल्यांदाच अशोक चव्हाण हे नांदेडात दाखल होत आहेत. दरम्यान अशोक चव्हाण यांच्या आगमनानिमीत्त शुभेच्छांचे बॅनर शहर आणि जिल्हाभरात झळकताना पाहायला मिळत आहेत. पण या बॅनरवरून अशोक चव्हाण समर्थक व खासदार प्रताप पाटील चिखलीकर समर्थकांमध्ये शीत युद्ध चालू असल्याचे पाहवयास मिळत आहे. कारण अशोक चव्हाणांच्या समर्थकांनी लावलेल्या बहुतांश बॅनरवर खासदार प्रताप पाटलांचा फोटो गायब आहे. तर खासदार प्रताप पाटिल चिखलीकरांच्या बॅनरवर अशोक चव्हाणांचा फोटो शोधावा लागतोय. त्यामुळे अशोक चव्हाण जरी आज काँग्रेस सोडून भाजपात दाखल होऊन त्यांच्यात आणि प्रताप पाटील चिखलीकर यांच्यात मनोमिलन झाले असे म्हणत असलो तरी, अशोक चव्हाण यांचा आणि प्रताप पाटील चिखलीकर यांच्या समर्थका मधील अंतर्गत राजकीय दुरावा अद्याप तरी संपला नाही असेच म्हणावे लागेल.