Ashok Kharat अशोक खरातने अत्याचार केलेल्या महिलांचे व्हिडिओ व्हायरल करणे अजूनही थांबलेले नाही. Trauma of women victims यातील बहुतांश पीडित महिलांना जबर मानसिक धक्का बसला असून Psychologists cases Maharashtra त्यातील डझनभर महिलांनी नाशिक आणि परिसरातील मानसोपचार तज्ज्ञांची मदत घेतल्याचे समोर आलेय. अनेक महिलांचे कुटुंब उध्वस्त होण्याच्या बेतात आलेय. खरातने यातील निम्म्याहून अधिक महिलांचे बचत खाते उघडले होते आणि त्यात स्वतःला नॉमिनी केले होते. या सेव्हिंग अकाउंट्समधून सव्वाशे कोटीहून अधिक रकमेचे व्यवहार झाले आहेत. यातले पैसे कुणाचे होते आणि ते व्यवहार कोण करत होते याविषयी त्या महिलांना अल्पशी देखील माहिती नाही.
खरात प्रकरण वाटते तितके साधे सरळ आणि केवळ लैंगिक शोषणापुरते मर्यादित नसून राजकीय, धार्मिक आणि शासकीय कंगोरेही त्यात आहेत. अपवाद वगळता याचे माध्यमातले वार्तांकन एकाच दृष्टीकोनातून होताना दिसतेय. दरम्यान अशोक खरात, ऋषिकेश वैद्य यांच्या नामावलीत अब्दुल रशीद उर्फ बाबाजान या नीच भोंदू बाबाची भर पडली आहे. नवी मुंबईत राहणारा हा अधम महिलांना त्याच्या घरी बोलवून काळी जादू उतरवायची आहे असे सांगून अत्याचार करत असे. रेल्वे स्टेशनपासून ते न्यूजपेपरमधील छोट्या जाहिरातीपर्यंत वशीकरण, काळी जादू यांच्या खंडीभर जाहिराती दिसतात. त्यावर कसलाही धरबंद नाही! राज्यसरकार स्वतः शपथविधीसारख्या कार्यक्रमास बाबा बुवा महाराज यांना वंदनीय समजत असेल तर सामान्य नागरिकही त्यांचाच कित्ता गिरवणार!
डिजिटल युग असूनही समाज मात्र बाबा बुवा महाराज हस्तसामुद्रिक भविष्य पंडित, फकीर, पास्टर, पॉडकास्टमधले उच्चवर्गीय भामटे अशांच्या पार आहारी गेला आहे यात नवल वाटण्याजोगे काहीच नाही. मधल्या दशकांत दिसणारे पुरोगामित्व हा महाराष्ट्राचा चकवा होता, राज्य आता आपल्या मूळ रंगात लखलखीत न्हाऊन निघत आहे. रोज अंधश्रद्धेचा बाजार भरतोय आणि त्यात कोणताही धर्म जात मागे नाही, सारेच या जत्थ्यात सामील आहेत. महाराष्ट्र आता थांबत नसतो!
खरे भोंदू हे बाबा बुवा नसून आधुनिकत्वाचा शिक्षित ज्ञानी विवेकी असण्याचा आव आणणारी जनता आहे! यथा प्रजा तथा बाबा बुवा!
भोंदू महाराष्ट्राच्या नावाने चांगभलं!
(साभार - सदर पोस्ट समीर गायकवाड यांच्या फेसबुक भिंतीवरून घेतली आहे.)
Trauma of women victims, Mental health impact of abuse, Families destroyed by crime, Psychological damage after exploitation, Survivors of sexual abuse India, Emotional impact of fraud crimes, Social stigma on victims, ashok Kharat