२०२१-२२ या शैक्षणिक वर्षाकरीता राज्य सामायिक प्रवेश परीक्षा म्हणजे MHT CET 2021 परीक्षेची तारीख ठरली आहे. उच्च आणि तंत्रशिक्षण मंत्री उदय सामंत यांनी यासंदर्भातली घोषणा केली आहे. १५ सप्टेंबर ते १० ऑक्टोबर २०२१ दरम्यान ही परीक्षा होणार आहे. एकूण ८ लाख ५५ हजार ८७९ विद्यार्थ्यांची या परीक्षेला बसणार आहेत. त्यासाठी २२६ केंद्रे निश्चित करण्यात आली आहेत. या परीक्षेचा निकाल २० ऑक्टोबरपर्यंत जाहीर करण्यात येणार आहे. तसेच नवीन शैक्षणिक वर्ष २ नोव्हेंबरपासून सुरु होईल. www.mahacet.org वर तपशीलवार वेळापत्रक उपलब्ध करुन देण्यात आल्याची माहितीही उच्च व तंत्रशिक्षण मंत्री उदय सामंत यांनी दिली आहे. विविध व्यावसायिक पदवी अभ्यासक्रमांच्या प्रवेशासाठी MHT CET 2021 परीक्षा घेण्यात येते.