राहुरी विधानसभा पोटनिवडणुकीसाठी अक्षय कार्डिले यांना भाजपकडून उमेदवारी जाहीर करण्यात आली आहे. दिवंगत आमदार शिवाजीराव कार्डिले यांच्या निधनानंतर ही पोटनिवडणूक होत असून त्यांचे चिरंजीव अक्षय कर्डिले यांना भाजपकडून उमेदवार देण्यात आली आहे.
भाजपच्या केंद्रीय कार्यालयातून आज जारी करण्यात आलेल्या अधिकृत पत्रकानुसार, पार्टीच्या केंद्रीय निवड समितीने महाराष्ट्रातील या पोटनिवडणुकीसाठी राहुरी मतदारसंघात अक्षय कर्डिले यांच्या नावाची निवड केली.
अहिल्यानगर जिल्ह्याच्या राजकारणातील एक दिग्गज व्यक्तिमत्व म्हणून शिवाजीराव कर्डिले यांचे ओळख होती. गेल्यावर्षी 17 ऑक्टोबर रोजी त्यांचे दीर्घ आजाराने निधन झाले. शिवाजीराव कर्डिले हे 'राजकारणातील किमयागार' म्हणून ओळखले जात होते. कोणत्याही लाटेत स्वतःचे अस्तित्व टिकवून ठेवण्याचे कौशल्य त्यांच्याकडे होते. त्यांनी आपल्या राजकीय प्रवासात राष्ट्रवादी काँग्रेस आणि भाजप अशा दोन्ही प्रमुख पक्षांतून विधानसभेचे प्रतिनिधित्व केले.