लावणी म्हणजे महाराष्ट्राची संस्कृती आणि याच लावणीवर जेव्हा विदेशी महिला ठेका धरतात तेव्हा चक्क आपल्याला आपल्या या संस्कृतीचा अभिमान वाटू लागतो. बुलढाणा जिल्ह्यातील खामगाव येथे संस्कार द्यानपीठ या शाळेत ‘टीचर्स फ़ॉर ग्लोबल क्लासरूम’ या प्रकल्पा अंतर्गत खास अमेरिका येथून अभ्यास दौऱ्या करिता आलेल्या रॉबनी हैरीसन व मेरिल बेल या समाजिक शास्त्राच्या शिक्षिका अमेरिकन अभ्यासक्रमातील भारतीय इतिहास अभ्यासनासाठी या शाळेत आल्या होत्या. तेव्हा त्यांना लावणीवर नाचण्याचा मोह आवारता आला नाही.
या अमेरिकन शिक्षिकाचे कुंकू लावून फेटे बांधून पारंपरिक पद्धतीने स्वागत करण्यात आले. त्यानंतर अभिनव प्रकल्प, सांस्कृतिक वारसा, बालमानसशास्त्र, अभ्यासक्रमातील सहविषय आदींचे विस्तृत अध्ययन त्यांच्या मार्फ़त करण्यात आले. भारतीय खानपान, वेशभूषा, पारंपरिक खेळ या विदेशी पाहुण्यांसमोर सादर करण्यात आले. यावेळी शाळेचे प्राचार्य प्रशांत धर्माधिकारी व शाळेचे शिक्षक, शिक्षिका व विद्यार्थी उपस्थित होते.