'चुतीयागिरी' वर संजय राऊत ठाम !

संजय राऊत यांनी दिल्लीत पत्रकारांशी बोलताना भाजपच्या टीकेला उत्तर देताना आक्षेपार्ह शब्द वापरला. त्यानंतर मोठा वाद निर्माण झाला आहे. पण संजय राऊत यांनी आपण आपल्या वक्तव्यावर ठाम असल्याची भूमिका घेत आणखी एक ट्विट केले आहे.

निलंबित खासदारांच्या आंदोलनाच्या ठिकाणी शरद पवार यांना खुर्ची देत असतानाचा संजय राऊत यांचा फोटो व्हायरल झाला आहे. याच मुद्द्यावरुन भाजपच्या नेत्यांनी संजय राऊत यांच्यावर जोरदार टीका केली आहे. पण या टीकेला उत्तर देताना संजय राऊत यांची जीभ घसरली आहे. पत्रकारांशी बोलत असताना टीका करणाऱ्यांना उत्तर देतांना संजय राऊत यांनी आक्षेपार्ह शब्द वापरला. यावरुन वाद झाल्यानंतर संजय राऊत यांनी उत्तर प्रदेशचे मुख्यमंत्री योगी आदित्यनाथ यांच्या अशाच एका आक्षेपार्ह वक्तव्याचा व्हिडिओ ट्विट केला आहे. या ट्विटमध्ये त्यांनी न्यूज लाँड्रीच्या बातमीचा व्हिडिओ शेअर केला आहे.

*संजय राऊत नेमके काय म्हणाले होते?*

पत्रकारांशी यासंदर्भात बोलताना संजय राऊत यांनी भाजप नेत्यांच्या टीकेला उत्तर दिले. " शिवसेना प्रमुख बाळासाहेब ठाकरे हेच आपले गुरु आहेत आणि त्यांनीच असे संस्कार दिले आहेत. यशवंतराव चव्हाण आमचे आदर्श आहेत. प्रत्येक ठिकाणी राजकारण केले जात नाही सांगा त्यांना…ही चु**** बंद करा", असे वादग्रस्त वक्तव्य त्यांनी केले. तसेच "अशाने राज्यात तुमचं राज्य कधीच येणार नाही. ही तुमच्या डोक्यातील विकृती, कचरा आहे. हा कचरा साफ केला नाहीत तर एखाद्या डंपिंग ग्राऊंडमध्ये लोक तुम्हाला गाडून टाकतील." असा इशाराही संजय राऊत यांनी दिला आहे.

आता संजय राऊत यांच्या या वक्तव्यावर काय पडसाद उमटतात ते पाहणे महत्त्वाचे ठरणार आहे.