चंद्रकांत पाटील यांनी खासदार सुप्रिया सुळे यांच्यावर केलेल्या आक्षेपार्ह टीकेनंतर सर्व स्तरातून त्यावर जोरदार टीका होते आहे या वादावर राज्याचे उपमुख्यमंत्री अजित पवार यांनी देखील पहिल्यांदाच प्रतिक्रिया दिली आहे. "आपल्याला तोंड चांगला बोलायला दिलेलं आहे. कुणी काही चुकीचं बोलले किंवा अजित पवारही काही बोलला तर माझ्यासकट बॅन आणा., तुम्ही दाखवायच बंद केलं तर हे बोलणारे बंद होतील" असा सल्ला त्यांनी मीडियाला दिला आहे. ते पुण्यात पत्रकारांशी बोलत होते. राज्य महिला आयोगाने देखील या संदर्भात चंद्रकांत पाटील यांना नोटीस बजावून स्पष्टीकरण मागितले आहे.
चंद्रकांत पाटील यांनी दोन दिवसांपूर्वी ओबीसी आरक्षण आंदोलनात सुप्रिया सुळे यांच्यावर टीका केली होती. खासदार आहात, एवढेही माहिती नाही का, नसेल जमत तर घरी जा आणि स्वयंपाक करा, या शब्दात त्यांनी टीका केली होती. यानंतर याचे तीव्र पडसाद देखील राज्यभरात उमटले. "माझा रोख सगळ्यांकडे आहे . त्यात अजित पवार पण येतात, सुसंस्कृतपणा पणा नको आहे.वैचारिक आदर्श हवा पण आता वेगळेच चाललं आहे," असेही अजित पवार म्हणाले.