Maharashtra Budget Session 2026 : महाराष्ट्राचे अर्थसंकल्पीय अधिवेशन आजपासून सुरु !

Maharashtra Budget Session 2026  आजपासून, २३ फेब्रुवारी २०२६ रोजी महाराष्ट्र राज्य विधिमंडळाचे अर्थसंकल्पीय अधिवेशन मुंबईत सुरू होणार आहे. हे अधिवेशन २५ मार्च २०२६ पर्यंत चालणार असून, एकूण सुमारे एक महिन्याचा कालावधी असेल. या अधिवेशनात राज्याचा २०२६-२७ साठीचा अर्थसंकल्प ६ मार्च २०२६ रोजी दुपारी २ वाजता सादर केला जाणार आहे. अधिवेशनाची सुरुवात राज्यपालांच्या अभिभाषणाने होईल. त्यानंतर दिवंगत उपमुख्यमंत्री अजित पवार यांच्या A tribute to Ajit Pawar निधनाबाबत शोकप्रस्ताव मांडला जाणार आहे. या प्रस्तावावर सर्व पक्षांच्या आमदारांची चर्चा होईल आणि अजित पवार यांच्या आठवणींना उजाळा दिला जाईल.

मुख्यमंत्री देवेंद्र फडणवीस हे प्रथमच अर्थसंकल्प सादर करणार आहेत. (अजित पवार यांच्या अपघाती निधनानंतर अर्थ आणि नियोजन खाते स्वतःकडे घेतले आहे.) विधान परिषदेत वित्त राज्यमंत्री आशीष जयस्वाल अर्थसंकल्प मांडतील. उपमुख्यमंत्री सुनेत्रा पवार या अधिवेशनात प्रथमच उपस्थित राहणार आहेत. महायुती सरकारच्या संयुक्त पत्रकार परिषदेत त्यांनी भावनिकपणे अजित पवार यांची आठवण काढली.

महत्त्वाचे मुद्दे जे गाजण्याची शक्यता

संयुक्त राष्ट्र संघाने सन २०२६ हे आंतरराष्ट्रीय महिला शेतकरी वर्ष म्हणून घोषित केलं आहे. यावर चर्चा केली जाणार आहे.

मराठी भाषा गौरव दिनानिमित्त चर्चा होणार आहे.

राज्याचे कर्ज सुमारे ९.३ लाख कोटी रुपये असल्याने आर्थिक शिस्त, कर्ज व्यवस्थापन आणि विकास योजनांवर लक्ष केंद्रित राहील.

'लाडकी बहीण' योजना सुरू ठेवण्याची घोषणा महायुतीकडून करण्यात आली आहे.

विरोधक (महाविकास आघाडी) सरकारला मेट्रो दुर्घटना, लाचखोरी प्रकरणे, आरक्षण, अल्पसंख्याक प्रमाणपत्र वाटप आदी मुद्द्यांवर घेरण्याचा प्रयत्न करतील.

हे अधिवेशन राज्याच्या इतिहासात पहिल्यांदाच विधानसभा आणि विधान परिषद दोन्ही सभागृहांत विरोधी पक्षनेते (LoP) नसताना सुरू होत आहे. राज्य सरकारने 'विकसित महाराष्ट्र' आणि १ ट्रिलियन डॉलर अर्थव्यवस्थेच्या दिशेने पावले उचलण्याचा संकल्प व्यक्त केला आहे, तर विरोधकांकडून आक्रमक भूमिका घेतली जाण्याची शक्यता आहे.