'हिवरा मध्यम प्रकल्प कार्यालयात सिंचन शाखा अधिकारी दाखवा आणि पाच हजार रुपये मिळवा'- पाटील

जळगाव : जळगाव जिल्ह्यातील पाचोरा तालुक्यातील प्रसिद्ध असलेले खडकदेवळा येथील हिवरा मध्यम प्रकल्प हा नुकताच १०० टक्के भरुन ओसांडून वाहत आहे. त्यामुळे हिवरा नदीच्या काठावर असलेल्या गावांना सतर्कतेचा इशारा पाचोरा महसुल विभाकडून देण्यात आला आहे. या हिवरा माध्यम प्रकल्पच्या सिंचन शाखा कार्यालय हे मात्र कुलुप बंद दिसुन येते.

खडकदेवळा येथील हिवरा माध्यम प्रकल्प 100 टक्के ओसंडून ओव्हरफ्लो झालेला असतांनाच येथील जबाबदार सिंचन शाखा अधिकारी प्रतिक घुगे हे अनेक महिन्यांपासून संबंधित प्रकल्पावर कार्यरत नसल्याचे म्हणत "सिंचन शाखा अधिकारी दाखवा आणि पाच हजार रुपये मिळवा" असे आवाहन शिवसेनेचे विभाग प्रमुख वाल्मिक पाटील यांनी केले आहे.

खडकदेवळा ता. पाचोरा येथील हिवरा मध्यम प्रकल्प १०० टक्के भरुन ओव्हर फ्लो झालेला असतांनाच प्रकल्पाखालील गावांना सतर्कतेचा इशारा देण्यात आलेला असुन याचे गांभीर्य लक्षात न घेता या प्रकल्पामध्ये कार्यरत असलेले सिंचन शाखा अधिकारी प्रतिक घुगे हे अनेक महिन्यांपासून गायब असल्याचे पाटील यांचे म्हणणे आहे.