रिलायन्स जिओचा ऐतिहासिक IPO येतोय

जर तुम्ही शेअर बाजारात गुंतवणूक करत असाल किंवा करण्याची इच्छा असेल, तर ही बातमी तुमच्यासाठी गेम-चेंजर ठरू शकते. आशियातील सर्वात श्रीमंत उद्योजक मुकेश अंबानी यांच्या मालकीच्या 'जिओ प्लॅटफॉर्म्स' (Jio Platforms) चा बहुप्रतिक्षित आयपीओ (IPO) आता अंतिम टप्प्यात आला आहे. हा केवळ रिलायन्स समूहाचाच नव्हे, तर भारतीय शेअर बाजाराच्या इतिहासातील आजवरचा सर्वात मोठा आयपीओ ठरणार आहे.

१७ बड्या बँकांची नियुक्ती

या महाकाय व्यवहाराला यशस्वी करण्यासाठी रिलायन्सने देश-विदेशातील १७ दिग्गज बँकांची फौज मैदानात उतरवली आहे. यामध्ये

जागतिक बँका बँक ऑफ अमेरिका (BofA), गोल्डमन सॅक्स, मॉर्गन स्टॅन्ली, सिटीग्रुप आणि HSBC यांच्यासोबतच

भारतीय बँका कोटक महिंद्रा कॅपिटल, ॲक्सिस कॅपिटल, जेएम फायनान्शिअल आणि एसबीआय (SBI) कॅपिटल यांचा समावेश आहे.

कंपनी लवकरच आपली अधिकृत कागदपत्रे म्हणजेच 'ड्राफ्ट रेड हेरिंग प्रॉस्पेक्टस' (DRHP) भारतीय रोखे आणि विनिमय मंडळाकडे (SEBI) सादर करणार आहे.

बँकांनी जिओ प्लॅटफॉर्म्सचे मूल्यांकन तब्बल $१७० अब्ज (सुमारे १४.२ लाख कोटी) इतके प्रस्तावित केले आहे.

२० वर्षांनंतरची मोठी संधी

रिलायन्स समूहाची एखादी मोठी उपकंपनी तब्बल दोन दशकांनंतर (२० वर्षांनंतर) शेअर बाजारात सूचिबद्ध (List) होत आहे.

केंद्र सरकारच्या नवीन नियमांमुळे रिलायन्सला केवळ २.५% हिस्सा विकून सुमारे ३६,००० हजार कोटी उभे करता येणार आहेत.

वर्षाच्या सुरुवातीला आयपीओ मार्केट थोडे संथ होते, मात्र जिओच्या आगमनाने बाजारात पुन्हा एकदा मोठी तेजी येण्याची चिन्हे आहेत.

फेसबुक (मेटा) आणि गुगल सारख्या जागतिक कंपन्यांनी आधीच जिओमध्ये गुंतवणूक केली आहे, आता हीच संधी सर्वसामान्य गुंतवणूकदारांना मिळणार आहे.

सामान्य गुंतवणूकदारांना काय फायदा?

जिओ आज केवळ टेलिकॉम कंपनी राहिलेली नाही, तर ती एक डिजिटल पॉवरहाऊस बनली आहे. भारताच्या डिजिटल क्रांतीचा भाग होण्याची आणि मुकेश अंबानींच्या प्रगतीशील व्यवसायात थेट भागीदार होण्याची ही गुंतवणूकदारांसाठी सुवर्णसंधी असेल.

मुकेश अंबानी आता जिओच्या माध्यमातून दलाल स्ट्रीटवर एक नवीन इतिहास रचण्यास सज्ज झाले आहेत. जर तुम्ही २०२६ मधील सर्वात मोठ्या गुंतवणुकीच्या संधीच्या शोधात असाल, तर 'जिओ आयपीओ' तुमच्या रडारवर असायलाच हवा!