National Herald केस प्रकरणात काँग्रेसचे खासदार राहुल गांधी हे आज EDच्या ऑफिसमध्ये हजर राहणार आहेत. राहुल गांधी तिथे हजर होण्याआधीच काँग्रेसने आक्रमक भूमिका घेतली आहे. EDच्या माध्यमातून विरोधकांना छळण्याचा प्रयत्न मोदी सरकार करत असल्याचा आरोप करत काँग्रेसने या कारवाईचा निषेध केल आहे. National Herald प्रकरणात काँग्रेस अध्यक्षा सोनिया गांधी आणि राहुल गांधी यांनी EDने काही दिवसांपूर्वी नोटीस बजावली होती. पण राहुल गांधी परदेशात आणि सोनिया गांधी यांना कोरोनाची लागण झाली असल्याने दिलेल्या तारखेऐवजी पुढील तारखेला उपस्थित राहू असे EDला कळवण्यात आले होते.
सुनो तानाशाह, "तोतों" से डरा न पाओगे।
— Congress (@INCIndia) June 13, 2022
तुम हथकंडों से हमें झुका न पाओगे।।#IndiaWithRahulGandhi pic.twitter.com/P5ejhTEkRz
पण आता सोनिया गांधी यांना रविवारी पुन्हा त्रास होऊ लागल्याने त्यांना हॉस्पिटलमध्ये दाखल करण्यात आले आहे. तर राहुल गांधी हे १३ जून रोजी EDसमोर हजर होणार आहेत. त्याआधीपासून काँग्रेस कार्यकर्त्यांनी राहुल गांधी यांच्या निवासाबाहेर आणि ED कार्यालयासमोर गर्दी करण्यास सुरूवात केली आहे. या पार्श्वभूमीवर दिल्लीमध्ये पोलीस बंदोबस्त वाढण्यात आला आहे. तसेच वाहतुकीच्या मार्गांमध्येही बदल करण्यात आला आहे.