FactCheck : झी न्यूज वर नामुष्की... संपादक सुधीर चौधरींचा शो ठरला फेक न्यूज
झी न्यूजचे संपादक सुधीर चौधरी यांचा शो फेक न्यूज म्हणून मार्क करण्यात आला आहे. फेसबुक ने गेल्या काही महिन्यांपासून फॅक्ट चेक सुविधा उपलब्ध केली आहे. मोठ्या प्रमाणात फेक न्यूज पसरवल्या जात असल्याने फेसबुक वर टीका होत होती. त्यामुळे फेसबुक ने देशातल्या काही मान्यवर संस्था आणि पत्रकारांच्या मदतीने सुरू केलेल्या फॅक्ट चेक म्हणजे सत्यता पडताळणाऱ्या यंत्रणेने सुधीर चौधरी यांनी तृणमुल काँग्रेसच्या खासदार महुआ मोईत्रा यांच्या भाषणावर केलेल्या शो ला फेक न्यूज कॅटेगरी मध्ये टाकलं आहे.
झी न्यूज चे संपादक सुधीर चौधरी यांच्यावर या आधी 100 कोटी रूपयांची लाच मागितल्याचा आरोप झाला आहे. त्यानंतर त्यांनी केंद्र सरकारच्या धोरणांशी सुसंगत भूमिका घेत विरोधी पक्षांवर हल्ला चढवण्याचं काम सुरू केलं होतं. चौधरी यांनी आतापर्यंत अत्यंत आक्रमकपणे विरोधी पक्षांवर हल्ला चढवलेला आहे.
महुआ मोईत्रा यांनी फॅसिझमची लक्षणे सांगणारं भाषण लोकसभेत केलं होतं.
(सौ. मॅक्सवुमन)
हे भाषण प्रचंड गाजलं. प्रचंड व्हायरल झालेल्या या भाषणामुळे सत्ताधारी पक्षामध्ये खळबळ माजली होती. त्यानंतर सुधीर चौधरी यांनी झी न्यूज वरील आपल्या डीएनए या शो मध्ये भाषणावर भाष्य करणारा शो केला होता.
Full View
मोईत्रा यांनी अमेरिकेतील एका नियतकालिकातील लेख चोरून लोकसभेत वाचला असा आरोप सुधीर चौधरी यांनी केला होता.
यही है अमेरिकी वेब्सायट का वो लेख जिसे तृणमूल कांग्रेस की सांसद महुआ मोइत्रा ने चुराकर लोक सभा में अपने भाषण में इस्तेमाल कर लिया।हुबहू बिलकुल वही शब्द लेख से सीधे उठा लिए और बोल दिए।संसद की गरिमा ख़तरे में है। https://t.co/4iP3YieHXA pic.twitter.com/HxaHqqdxKS
— Sudhir Chaudhary (@sudhirchaudhary) 2 July 2019
अमेरिकेतील मार्टीन लाँगमॅन यांचा हा लेख असून मोईत्रा यांनी लोकसभेतील आपल्या भाषणात मार्टीन लाँगमॅन यांना आवश्यक ते सौजन्य दिले होते. त्यामुळे हे भाषण म्हणजे मुद्दे चोरून केलेले होते हा चौधरी यांचा आरोप खोटा ठरला आहे. <
I’m internet famous in India because a politician is being falsely accused of plagiarizing me. It’s kind of funny, but right-wing assholes seem to be similar in every country.
— Martin Longman (@BooMan23) 2 July 2019
/h3>