Asha Bhosle Raj Bhavan photos history : इंदिरा गांधींपासून राष्ट्रपतींपर्यंत, आशा भोसले यांच्या गौरवशाली भेटींचा प्रवास !

संस्थात्मक आठवणी : राजभवन, राज्यपाल आणि आशा भोसले

आपल्या प्रदीर्घ सांगीतिक प्रवासात महान पार्श्वगायिका आशा भोसले यांना राज्याच्या अनेक राज्यपालांच्या हस्ते सन्मानित करण्यात आले. छायाचित्रांच्या रूपाने ज्या आठवणी समोर आल्या त्या या ठिकाणी देत आहे.

राजभवन येथे इंदिरा गांधींची भेट Indira Gandhi Raj Bhavan meeting

आशा भोसले यांचा राजभवन येथील सर्वात जुना फोटो हा इंदिरा गांधी पंतप्रधान असतानाच्या काळातील आहे. अर्थात त्यावेळी जवळपास पूर्ण चित्रपट सृष्टी इंदिरा गांधी यांना भेटायला आली असल्याचे दिसते. हा फोटो साधारण १९७५- १९८० या काळातील असावा असे वाटते. आशा भोसले व लता मंगेशकर अगदी इंदिराजींच्या मागे उभ्या असलेल्या दिसत आहेत.

आशा भोसले यांना डी. लिट. Asha Bhosle honorary doctorate D.Lit details

सन २०११ साली राज्यपाल के शंकरनारायणन यांच्या हस्ते आशा भोसले यांना यशवंतराव चव्हाण महाराष्ट्र मुक्त विद्यापीठाच्या १७ व्या दीक्षांत समारोहात मानद डी लिट पदवी प्रदान करण्यात आली होती.

यश चोपडा स्मृती राष्ट्रीय पुरस्कार  Yash Chopra Memorial Award Asha Bhosle

दिनांक १६ फेब्रुवारी २०१८ रोजी तत्कालीन राज्यपाल सी विद्यासागर राव यांच्या हस्ते आशा भोसले यांना मुंबई येथे यश चोपडा स्मृती राष्ट्रीय पुरस्कार देण्यात आला होता. या कार्यक्रमाला अभिनेत्री रेखा देखील उपस्थित होत्या.

लावणी असो किंवा गझल, भक्तीगीत असो किंवा डिस्को वा पॉप गाणी प्रत्येक प्रकारातील गाणी आशाजींनी सहजतेने सादर केली आहेत. मदन मोहन, जयदेव, एस. डी. बर्मन, ओ. पी. नय्यर, नौशाद, खय्याम, रवी, सलील चौधरी, आर. डी. बर्मन, इलैयाराजा, ए. आर. रहमान या आणि इतर अनेक दिग्गज संगीतकारांसोबत त्यांनी काम केले आहे. प्रख्यात सतारवादक पंडित रविशंकर यांच्यानंतर भारतीय संगीताला जागतिक स्तरावर पोहोचविण्याचे मोठे कार्य आशा भोसले यांनी केले. त्या अर्थाने आशाजी या संगीतविश्वातील भारताच्या खऱ्या अर्थाने ‘सांस्कृतिक दूत’ ठरतात. आशा भोसले यांनी रॉबी विल्यम्स, मायकेल स्टाइप आणि क्रोनोस क्वार्टेट यांसारख्या आंतरराष्ट्रीय कलाकारांसोबतही काम केले आहे, असे विद्यासागर राव यांनी आपल्या भाषणात नमूद केले होते.

पंतप्रधान नरेंद्र मोदी यांना पहिला लता मंगेशकर पुरस्कार  Narendra Modi Lata Mangeshkar award

दिनांक २४ एप्रिल २०२२ रोजी पंतप्रधान नरेंद्र मोदी यांना पहिला लता दीनानाथ मंगेशकर पुरस्कार मुंबईतील षण्मुखानंद सभागृहात देण्यात आला होता. लता मंगेशकर यांच्या स्मृती प्रित्यर्थ मंगेशकर कुटुंबीयांनी स्थापन केलेल्या या पुरस्कार सोहळ्याला राज्यपाल भगतसिंह कोश्यारी, तत्कालीन विरोधी पक्षनेते देवेंद्र फडणवीस व इतर मान्यवर उपस्थित होते. हा पुरस्कार पंतप्रधानांना आशा भोसले, उषा मंगेशकर, मीना खडीकर व आदिनाथ मंगेशकर यांच्या हस्ते देण्यात आला होता.

राष्ट्रपतींसह आशा भोसले   Droupadi Murmu Raj Bhavan event

दिनांक ६ जुलै २०२३ रोजी महाराष्ट्र शासनातर्फे राष्ट्रपती द्रौपदी मुर्मू यांचा राष्ट्रपती झाल्याबद्दल राजभवन येथे नागरी सत्कार करण्यात आला होता. राज्यपाल रमेश बैस, मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या प्रमुख उपस्थितीत झालेल्या या कार्यक्रमाला आशा भोसले देखील उपस्थित होत्या.

देव वर्मा आणि देव बर्मन  R. D. Burman and Asha Bhosle

विद्यमान राज्यपाल जिष्णु देव वर्मा हे त्रिपुरा येथील माणिक्य राजघराण्यातील सदस्य आहेत. आशा भोसले यांचे दिवंगत पती, संगीतकार राहुल देव बर्मन हे देखील याच घराण्यातील सदस्य होते.

(साभार - सदर पोस्ट उमेश काशीकर यांच्या फेसबुक भिंतीवरून घेतली आहे.)

Asha Bhosle, Raj Bhavan events, Asha Bhosle awards and honors, Indian playback singers legacy, Bollywood music legends, Asha Bhosle biography, Cultural icons of India, Indian music history, Legendary singer tribute, iconic moments in Indian music, Nostalgic Bollywood memories, Cultural pride India, Timeless music legends, Inspirational journey of Asha Bhosle