Sonali Bendre land dispute : सोनाली बेंद्रे यांनी शेतकऱ्याची जमीन हडपली का ?
Bollywood celebrity Sonali Bendre बॉलिवूड अभिनेत्री सोनाली बेंद्रे आणि त्यांचे पती गोल्डी बेहल यांच्यावर पुणे जिल्ह्यातील मावळ तालुक्यातील उकसान गावातील शेतजमिनीच्या व्यवहारात कुळ हक्क डावलून जमीन बळकावल्याचा गंभीर आरोप करण्यात आला आहे. शेतकरी चंद्रकांत बाळू शिंदे आणि त्यांच्या आई कमलबाई यांनी या प्रकरणी वडगाव (मावळ) येथील दिवाणी न्यायालयात दावा दाखल केला आहे.
प्रकरण नेमके काय?
शेतकरी चंद्रकांत शिंदे यांचा दावा आहे की, उकसान गावातील सुमारे ३० गुंठे (सुमारे ३२,००० चौरस फूट) शेतजमीन ही त्यांच्या कुटुंबाची वडिलोपार्जित कुळ हक्काची जमीन आहे. ही जमीन १९५७ पूर्वीपासून त्यांच्या ताब्यात आहे. कुळ कायद्यानुसार त्यांना या जमिनीवर हक्क असल्याचे त्यांचे म्हणणे आहे. त्यांच्यावर आरोप आहे की, खोट्या कागदपत्रांच्या आधारे आणि कुळ हक्क डावलून ही जमीन गोल्डी बेहल यांनी विकत घेतली. शिंदे कुटुंबीयांनी आधी पोलिसांत तक्रार दाखल केली होती, आता दिवाणी न्यायालयात दाद मागितली आहे. न्यायालयाने २० एप्रिलला या प्रकरणी सुनावणी ठेवली आहे.
सोनाली बेंद्रेची भूमिका
सोनाली बेंद्रे आणि त्यांच्या वकिलांनी या आरोपांना पूर्णपणे फेटाळले आहे. अभिनेत्रीने स्पष्ट केले की, त्या जमिनीच्या खरेदी दस्तऐवजात त्यांचे नाव कुठेही नाही. हा प्रकार पैशाची फसवणूक (extortion) करण्याचा प्रयत्न असल्याचा त्यांचा दावा आहे. त्यांनी म्हटले की, “माझे नाव कोणत्याही कागदपत्रात नाही, हे फक्त पैसे उकळण्यासाठी केलेले आरोप आहेत.”
या प्रकरणी मॅक्सवुमनच्या संपादिका प्रियदर्शिनी हिंगे यांनी ॲड. वनराज यांच्यासोबत चर्चा केली आहे. पाहा हा व्हिडिओ
Sonali Bendre land dispute, Goldie Behl land case, Pune land scam news, Ukasan village land dispute, Maval land controversy, Bollywood celebrity legal case India, agricultural land fraud Maharashtra, tenancy rights land India, celebrity property dispute India, Pune district land controversy