US Iran Ceasefire : अमेरिका–इराण युद्धाला ब्रेक, २ आठवड्यांचा युद्धविराम, होर्मुज सामुद्रधुनी पुन्हा सुरू

US Iran Ceasefire अखेर अमेरिका आणि इराण यांच्यातील युद्ध २ आठवड्यांसाठी स्थगित करण्यात आले आहे. अमेरिकेचे राष्ट्राध्यक्ष डोनाल्ड ट्रम्प यांनी मंगळवारी रात्री (७ एप्रिल) आपल्या मुदतीच्या काही तास आधी दोन आठवड्यांचा तात्पुरता युद्धविराम (सीझफायर) जाहीर केला. हा करार होर्मुझ सामुद्रधुनी (Strait of Hormuz) पूर्णपणे, तात्काळ आणि सुरक्षितपणे उघडण्याच्या अटीवर आधारित आहे.

ट्रम्प यांनी सोशल मीडियावर पोस्ट करत म्हटले की, पाकिस्तानच्या पंतप्रधान शेहबाज शरीफ आणि फील्ड मार्शल आसिम मुनीर यांच्या मध्यस्थीने हा प्रस्ताव आला. इराणने या प्रस्तावाला होकार दिला असून, दोन आठवड्यांसाठी होर्मुझमधून तेल, गॅस आणि इतर जहाजांना सुरक्षित मार्ग देण्याचे मान्य केले आहे. इराणचे परराष्ट्रमंत्री अब्बास अरागची यांनी सांगितले की, इराणची सशस्त्र सेना समन्वय साधून जहाजांना सुरक्षित मार्ग देईल.

डोनाल्ड ट्रम्प नेमकं काय म्हणाले?

पाकिस्तानचे पंतप्रधान Shehbaz Sharif आणि फील्ड मार्शल Asim Munir यांच्यासोबत झालेल्या चर्चेनुसार, त्यांनी मला आज रात्री इराणवर होणारी विध्वंसक कारवाई थांबवण्याची विनंती केली. तसेच, इस्लामिक रिपब्लिक ऑफ इराणने होर्मुज सामुद्रधुनी पूर्णपणे, तात्काळ आणि सुरक्षितपणे खुली करण्यास सहमती दर्शवल्याने, मी दोन आठवड्यांसाठी इराणवरील बॉम्बहल्ले आणि आक्रमण स्थगित करण्यास सहमत आहे. हा दोन्ही बाजूंनी लागू होणारा युद्धविराम (सीजफायर) असेल. हा निर्णय घेण्यामागचे कारण म्हणजे आपण आपली सर्व लष्करी उद्दिष्टे पूर्ण केली आहेत, किंबहुना त्याहूनही पुढे गेलो आहोत. तसेच, इराणसोबत दीर्घकालीन शांतता आणि मध्यपूर्वेत स्थैर्य प्रस्थापित करण्याच्या कराराच्या दिशेने आपण खूप पुढे आलो आहोत. आम्हाला इराणकडून १० मुद्द्यांचा प्रस्ताव मिळाला आहे, जो चर्चेसाठी योग्य आधार आहे. अमेरिका आणि इराणमधील बहुतांश वादग्रस्त मुद्द्यांवर आधीच सहमती झाली आहे. मात्र, पुढील दोन आठवडे हा करार अंतिम करण्यासाठी आणि अंमलात आणण्यासाठी महत्त्वाचे ठरतील.अमेरिकेचे राष्ट्राध्यक्ष म्हणून, तसेच मध्यपूर्वेतील देशांचे प्रतिनिधित्व करताना, इतक्या दीर्घकाळ चाललेल्या समस्येचा शेवट जवळ आल्याचा मला अभिमान वाटतो. या विषयाकडे लक्ष दिल्याबद्दल धन्यवाद. असं अमेरिकेचे राष्ट्राध्यक्ष डोनाल्ड जे. ट्रम्प यांनी म्हटलं आहे.

ट्रम्पचा कडक इशारा आणि माघार 

युद्धाच्या सुमारे ५-६ आठवड्यांनंतर ट्रम्प यांनी इराणला ८ एप्रिल (अमेरिकन वेळेनुसार) रात्री ८ वाजेपर्यंत मुदत दिली होती. होर्मुझ उघडली नाही तर इराणच्या पॉवर प्लांट्स, पूल आणि इतर पायाभूत सुविधांवर मोठे हल्ले करण्याची धमकी दिली होती. त्यांनी “एक रात्रीत संपूर्ण सभ्यता नष्ट होईल” असेही म्हटले होते. मात्र, पाकिस्तानच्या मध्यस्थीने शेवटच्या क्षणी करार झाला.

पाकिस्तानच्या पंतप्रधानांनी सोशल मीडियावर काय म्हटलं?

पाकिस्तानचे पंतप्रधान Shehbaz Sharif म्हणतात की, अत्यंत नम्रतेने मला जाहीर करताना आनंद होत आहे की, इस्लामिक रिपब्लिक ऑफ इराण आणि युनायटेड स्टेट्स ऑफ अमेरिका तसेच त्यांच्या मित्रदेशांनी लेबनॉनसह इतर ठिकाणीही तात्काळ युद्धविराम (सीजफायर) लागू करण्यास सहमती दर्शवली आहे. आणि तो तात्काळ लागू होईल. मी या शहाणपणाच्या निर्णयाचे मनापासून स्वागत करतो आणि दोन्ही देशांच्या नेतृत्वाचे मनःपूर्वक आभार मानतो. तसेच, सर्व वाद मिटवण्यासाठी अंतिम कराराच्या दिशेने पुढील चर्चा करण्यासाठी मी त्यांच्या प्रतिनिधी मंडळांना १० एप्रिल २०२६ रोजी Islamabad येथे आमंत्रित करतो. दोन्ही पक्षांनी उल्लेखनीय शहाणपण आणि समजूतदारपणा दाखवला आहे आणि शांतता व स्थैर्य प्रस्थापित करण्यासाठी सकारात्मक भूमिका निभावली आहे. आम्हाला मनापासून आशा आहे की ‘इस्लामाबाद चर्चा’ यशस्वी ठरेल आणि टिकाऊ शांतता प्रस्थापित करण्यात मदत करतील. 

यानंतर अमेरिकेची कारवाई थांबली. व्हाइट हाउसने सांगितले की, अमेरिकेच्या हल्ल्यांना तात्पुरते स्थगिती देण्यात आली आहे. इस्रायलनेही या दोन आठवड्यांच्या युद्धविरामाला होकार दिला आहे.

इराणची भूमिका - इराणने युद्धविराम स्वीकारला असून, होर्मुझमधून जहाजांच्या हालचालींसाठी आपल्या लष्कराशी समन्वय साधण्याचे आश्वासन दिले आहे. यामुळे जगातील २० टक्के क्रूड ऑइल वाहतूक पुन्हा सुरळीत होणार आहे.

US Iran Ceasefire 2026, Donald Trump Iran Ceasefire, Iran US War Latest News, Strait of Hormuz News, Iran Israel US Conflict Update, Middle East Ceasefire News, US Iran War Suspended, Trump Iran War Decision, Hormuz Strait Oil Supply News, Iran US Peace Talks