हिजबुल मुजाहिद्दीनचा दहशतवादी बुरहान वानी याच्या वडिलांनी स्वातंत्र्यदिनी जम्मू -काश्मीरच्या पुलवामा जिल्ह्यातील एका शाळेत राष्ट्रध्वज फडकावला आहे. बुरहानच्या वडिलांचा तिरंगा फडकवतानाचा व्हिडिओ सध्या सोशल मीडियावर व्हायरल झाला आहे. जुलै 2016 मध्ये सुरक्षा दलांसोबत झालेल्या चकमकीत बुरहान वानी हा ठार झाला होता. बुरहानचे वडील हे शिक्षक आहेत.
त्यांनी आज त्राल येथील शासकीय कन्या उच्च माध्यमिक शाळेत राष्ट्रध्वज फडकवला, संपूर्ण देश स्वातंत्र्याचा 'अमृत महोत्सव' साजरा करत असून केंद्रशासित प्रदेशाच्या प्रशासनाने शिक्षकांसह सर्व विभागांना स्वातंत्र्यदिनी सर्व कार्यालयांमध्ये राष्ट्रध्वज फडकवण्याचे आदेश दिले आहेत. दरम्यान, हिजबुल मुजाहिदीनचा कमांडर बुरहान वानीच्या एन्काउंटर नंतर काश्मीर खोऱ्यात मोठ्या प्रमाणात हिंसाचार झाला होता. खोऱ्यांमध्ये तीव्र आंदोलन झाली. या दरम्यान सुमारे 30 लोकांचा मृत्यू झाला.