इलुस्ट्रीएशन पद्धतीचे पोट्रेट साकारून खेळाडूंना अनोखी मानवंदना

मुंबई : देशाचा 75 वा स्वातंत्र्यदिन साजरा होत असताना यंदाचा स्वातंत्र्य दिन हा देशासाठी विशेष आहे, कारण यंदा भारताने टोकियो ऑलम्पिकमध्ये चमकदार कामगिरी केली आहे.यानिमित्ताने टोकियो ऑलम्पिक मध्ये सर्वोत्तम कामगिरी करणाऱ्या भारतीय खेळाडूंना भांडुप मधील कलाकार ओंकार नलावडे यांनी आपल्या कलेतून अनोखी मानवंदना दिली आहे.

ओंकार नलावडे यांनी कागदी पुठ्याचे रॉड बनवून त्यात इलुस्ट्रीएशन पद्धतीने चार खेळाडू रेखाटले आहेत. ज्यात एका बाजूने टोकियो ऑलम्पिकमध्ये दमदार कामगिरी केलेला नीरज चोप्रा दिसतो. तर दुसऱ्या बाजूने पी. व्ही सिंधू तर मागे एका बाजूने बजरंग पुनिया दिसतो, तर दुसऱ्या बाजूने मीराबाई चानू दिसत आहे.

हे सगळं एकाच पोट्रेट मध्ये साकारून कलाकार ओंकार नलावडे यांनी अनोखी मानवंदना या खेळाडूंना दिली आहे. कलाकार ओंकार नलावडे यांची ही कलाकृती सर्वांच्याचा कौतुकाचा विषय ठरली आहे.

हे पोट्रेट साकारण्यासाठी ओंकार यांना 5 दिवसांचा कालावधी लागला असून, इलुस्ट्रीएशन पद्धतीमध्ये या खांबांवरून नजर फिरवाल्यानंतर एक पोट्रेट नजरेस पडते असं ओंकार यांनी यावेळी बोलताना सांगितले. आपल्या खेळाडूंनी टोकियो ऑलम्पिकमध्ये जी चमकदार कामगिरी करण्यासाठी जे परिश्रम घेतले त्यातूनच प्रेरणा घेऊन हे काम केल्याचे ओंकारने सांगितले आहे.