राज ठाकरे यांनी मशिदींवरील भोंग्यांविरोधात हनुमान चालीसा वाचनाचे आदेश दिले आहेत. यामुळे अनेक ठिकाणी तणाव असताना साताऱ्यातील मनसे कार्यकर्त्यांनी मात्र सलोख्याचा संदेश दिला आहे. साताऱ्यात महाराष्ट्र नवनिर्माण सेनेने मंगळवारी आयोजित केलेल्या महाआरतीला शहरातील सर्व पक्षांसह मुस्लिम बांधव देखील उपस्थित राहिल्याने साताऱ्यात हिंदू-मुस्लीम बांधवांच्या ऐक्याचे आरती पाहायला मिळाली. मनसे कार्यकर्त्यांनी सर्वपक्षीय सलोख्याची आरती करून साताऱ्यात हिंदू-मुस्लीम ऐक्य घडवून आणले. तसेच यामध्ये रिपब्लिक पक्षाचे कार्यकर्ते देखील उपस्थित होते. जाती-धर्मांमध्ये होत असलेला राजकीय विरोध पाहता सातारकरांनी मात्र हा जातीधर्माचा विरोध बाजूला ठेवत हिंदू-मुस्लिम ऐक्याचा इतिहास पुन्हा लिहिला आहे, असे यावेळी उपस्थितांनी सांगितले.