गुजरात जायंट्स विरूद्ध दबंग दिल्ली सामना बरोबरीत सुटला

मुंबई // प्रो कबड्डी लीगच्या आठव्या हंगामाचा आजचा पाचवा दिवस आहे. आज गुजरात जायंट्स विरूद्ध दबंग दिल्ली असा सामना झाला. अतिशय अटतटीच्या झालेल्या या सामन्यामध्ये कोणताही संघ विजयी होऊ शकला नाही. अखेर हा सामना बरोबरीतच सुटला.

प्रो कबड्डी लीग या हंगामात दुसऱ्यांदा सामाना बरोबरीत सुटला आहे. या लढतीत सामना संपेपर्यंत २४-२४ अशी बरोबरी राहिली. दिल्लीचा नवीन कुमार ११ गुणांसह सुपर रेडर ठरला. या सामान्यातील ३० मिनिटांचा खेळ संपला तेव्हा देखील दोन्ही संघ १४-१४ अशा गुण मिळवून बरोबरोत होते.

दिल्लीकडून नवीन कुमारने जबरदस्त खेळ करत सर्वाधिक ११ पॉईंट्स पटकवले.गुणतालिकेचा विचार केला तर दबंग दिल्ली शेवटचे दोन्ही सामने जिंकून अव्वल स्थानी आहे,तर गुजरात जायंट्सने देखील दोन सामने खेळलेत. मात्र गुजरातने एक सामना जिंकला आणि एक हरला आहे, त्यामुळे गुजरात चौथ्या स्थानावर आहे.