हॉस्पिटलचे बेड अडवणाऱ्या व्हीआयपींना प्रणिती शिंदेचे आवाहन

राज्यात सध्या कोरोनाच्या रुग्णांची संख्या वाढत चालली आहे. वाढत्या रुग्णांमुळे हॉस्पिटल्स कमी पडत आहेत. रुग्णांना बेड मिळत नाहीयेत. यासर्व पार्श्वभूमीवर काँग्रेसच्या आमदार प्रणिती शिंदे यांनी एक आवाहन केले आहे. राज्यात कोणतीही लक्षणं नसलेले पण कोरोना पॉझिटिव्ह असलेल्या रुग्णांची संख्याही मोठी आहे. पण यामध्ये काही असिम्प्टोमेटिक व्हीआयपी देखील आहेत, जे आपल्या वजनामुळे हॉस्पिटल्समध्ये बेड अडवून बसत आहे. अशा व्हीआयपींना प्रणिती शिंदे यांनी आवाहन केले आहे. आपल्या ट्विटमध्ये त्यांनी म्हटले आहे की, गंभीर रुग्णांना बेड उपलब्ध होत नाहीयेत. त्यामुळे असिम्प्टोमेटिक व्हीआयपींनी हॉस्पिटल्स बेड अडवून ठेवू नयेत. त्यासाठी घऱीच विलगीकरणाचा पर्याय चांगला आहे.