राज्याच्या राजकारणात गुवाहाटी शहराचे महत्त्व वाढले आहे. पण आता सामान्यांमध्येही गुवाहाटीबद्दल आकर्षण निर्माण झाले आहे. सामान्यांच्या याच उत्सुकतेचा अनुभव खुद्द मुख्यमंत्री एकनाथ शिंदे यांना आला. मुख्यमंत्री एकनाथ शिंदे यांना त्यांच्या नंदनवन बंगल्यावर रविवारी एक चिमुकली भेटली. अन्नदा डामरे असे तिचे नाव...तिने मुख्यमंत्र्यांकडून एक अजब प्रॉमिस करुन घेतले. "दिवाळीच्या सुट्टीत तुम्ही मला गुवाहाटीला फिरायला घेवून जा, असे प्रॉमिसच तिने मुख्यमंत्र्यांना मागितले. अन्नदा ही विद्यार्थिनी रत्नागिरी जिल्ह्यातील डेरवणच्या विठ्ठलराव जोशी चॅरिटीज आणि ट्रस्ट इंग्लिश मिडीयम स्कुलमध्ये शिकते.