संगमनेरच्या बैलगाडा शर्यती प्रकरणी तब्बल 47 जणांवर गुन्हे दाखल

अहमदनगर : संगमनेर तालुक्यातील कौठे मलकापुर शिवारातील दरेवाडी येथे भरवण्यात आलेली बैलगाडा शर्यत आयोजकांच्या चांगलीच अंगलट आलेली आहे. या प्ररकरणी तब्बल 47 जणांवर घारगाव पोलीस ठाण्यात गुन्हे दाखल करण्यात आले असुन यातील सहा जनांना घारगाव पोलिसांनी ताब्यात देखील घेतले आहे. इतरांचा शोध घारगाव पोलीस घेत आहे .

स्वांतत्र्य दिनाच्या दिवशी संगमनेर तालुक्याच्या मुळाखोऱ्यातील दरेवाडी येथे कोणालाही थांगपत्ता न लागु देता बैलगाडा शर्यतीचे आयोजन करण्यात आले होते. घारगाव पोलिसांनी घटनास्थळी धाव घेताच आयोजकांची चांगलीच पळपळ झाली होती. या प्रकरणी घारगाव पोलिसांनी आता थेट 47 जणांवर गुन्हे दाखल करत सहा आरोपींना ताब्यात घेत, पोलिसांनी घटनास्थळावरून एक बोलेरो पिकअप , दोन बैलांची जोड, शर्यतीचा छकडा, खिळा असलेली पातळ बांबुची काठी असा मुद्देमाल देखील जप्त करण्यात आला आहे.याचा पुढील तपास घारगाव पोलिस करत आहे.