#Omicron : राज्यात आणखी ८ रुग्ण आढळले, Omicronच्या रुग्णांची राज्यातील संख्या २८ वर

Omicron व्हेरिएंटने राज्यात शिरकाव केल्यानंतर हळूहळू रुग्ण वाढतात की काय अशी भीती व्यक्त होते आहे. मंगळवारी राज्यात Omicron चे ८ नवीन रूग्ण आढळले आहेत. यामुळे राज्यातील एकूण ओमायक्रॉनबाधित रुग्णांची संख्या २८ झाली आहे. मंगळवारी आढळलेल्या Omicron बाधीत रुग्णांपैकी ७ रुग्ण मुंबईतले तर एक रुग्ण वसई-विरारमधील आहे.

पण एक दिलासादायक बाब म्हणजे आतापर्यंत राज्यभरात आढळलेल्या २८ Omicron बाधितांपैकी ९ रूग्णांची Rtpcr टेस्ट निगेटिव्ह आली आहे. तसेच त्यांच्यावर उपचार झाल्यानंतर त्यांना घरी सोडण्यात आले आहे. दरम्यान राज्यात गेल्या २४ तासांत कोरोनाचे ६८४ नवे रुग्ण आढळले आहेत. तर ६८६ रूग्ण कोरोनामुक्त झाले आहेत. तर दिवसभरात २४ कोरोनाबाधित रूग्णांचा मृत्यू झाला आहे. सध्या राज्यातील एक्टिव्ह केसेसची संख्या ६ हजार ४८१ झाली आहे.

Omicronचे रुग्ण आढळले असले तरी नागरिकांनी घाबरण्याचे कारण नाही, पण आवश्यक ती खबरदारी तसेच कोरोना नियमांचे पालन करण्याचे आवाहन सरकारने आणि मुंबई महापालिकेने केले आहे.