यवतमाळ : कृषी राज्यमंत्री सदाभाऊ खोत यांच्यावर किटकनाशक फवारणीचा प्रयत्न झाला आहे. यवतमाळ येथे गेल्या काही दिवसात किटकनाशकाने १९ शेतक-यांचा बळी गेला आहे. तसचं ५०० हून अधिक शेतकरी विषबाधीत झाले आहेत अशा विषबाधीत शेतक-यांना भेटीसाठी आलेल्या कृषी राज्यमंत्री सदाभाऊ खोत यांच्यावर सिकंदर शहा या शेतक-याने लिक्विड फवारणीचा प्रयत्न केला आहे. दरम्यान सदाभाऊंना सध्या रुग्णालयात दाखल करण्यात आल्याची प्राथमिक माहिती समोर येत आहे. या प्रकऱणी पोलिसांनी सिकंदर शहा या व्यक्तीला ताब्यात घेण्यात आल्याचे समजते.