Sunetra Pawar Baramati ZP Election 2026 : महाराष्ट्रच्या पहिल्या महिला उपमुख्यमंत्री सुनेत्रा पवार यांनी बजावला मतदानाचा हक्क
Baramati ZP Election 2026 आज ७ फेब्रुवारी २०२६ (शनिवार) राज्यातील जिल्हा परिषद आणि पंचायत समितीसाठी मतदानाला सुरुवात झाली आहे. मतदानाला सकाळी साडेसात वाजल्यापासून सुरुवात झाली असून राज्याच्या पहिल्या महिला उपमुख्यमंत्री सुनेत्रा पवार यांनी काटेवाडीतील जिल्हा परिषदेच्या शाळेत आपला मतदानाचा हक्क बजावला आहे. यावेळी त्यांच्यासोबत मुलगा पार्थ पवार देखील होते. मतदानाचा हक्क बजावल्यानंतर सुनेत्रा पवार यांनी राज्यातील सर्व नागरिकांना आपल्या उज्ज्वल भविष्यासाठी लोकशाहीच्या या महत्त्वपूर्ण प्रक्रियेत सक्रिय सहभाग घेत मतदान करण्याचे आवाहन केले. अजित पवार यांच्या निधनानंतर पहिल्यांदाच बारामती निवडणुकीला सामोरे जात आहे.
निवडणुकीच्या प्रचाराला जात असतानाच बारामतीमध्ये अजित पवार यांचं अपघाती निधन झालं होतं. त्यानंतर पुणे जिल्ह्यात प्रचाराच्या तोफा थंडावल्या. अजित पवार यांच्या राष्ट्रवादी पक्षाने गेल्या निवडणुकीत पुणे जिल्ह्यातील १७ पैकी ११ नगरपालिकेत विजय मिळवला होता. आता जिल्हा परिषद आणि पंचायत समितीच्या निवडणुकांकडे सर्वांचं लक्ष लागलं आहे. यंदाच्या निवडणुकीत कोण बाजी मारणार तसेच राष्ट्रवादी काँग्रेसला सहानुभूती मिळणार का ? अशा एक ना अनेक प्रश्नांची उत्तर येत्या काळात लवकरच मिळतील.
Zilla Parishad Elections, Panchayat Samiti Elections, Maharashtra Elections, Sunetra Pawar, Ajit Pawar
