Ajit Pawar plane crash : DGCA ची कठोर कारवाई, VSR Ventures च्या ४ लिअरजेट विमानांवर बंदी

DGCA action VSR Ventures अजित पवार यांचा विमान अपघातात मृत्यू ( २८ जानेवारी २०२६ ) झाल्याच्या पार्श्वभूमीवर VSR कंपनीवर मोठी कारवाई करण्यात आली आहे. या अपघातानंतर भारतीय नागरी विमानन महासंचालनालय (DGCA) ने M/s VSR Ventures Pvt Ltd या खासगी विमान कंपनीवर विशेष सुरक्षा ऑडिट केल्यानंतर कठोर पाऊले उचलेली आहेत. व्हिएसआरच्या पुढील चार लिअरजेट ४०/४५ विमानांना ग्राउंड केले आहेत.

DGCA ने एक निवेदन जारी केले आहे की, नियामकाच्या एका विशेष पथकाने विमानाचे ऑडिट केले. ज्यामध्ये विमानाच्या फिटनेस, सुरक्षितता आणि उड्डाण प्रक्रियेत अनेक त्रुटी आढळल्या. विमानाच्या देखभालीमध्येही निष्काळजीपणा आढळून आला. त्यामुळे हा निर्णय DGCA घेतला आहे.

२८ जानेवारी २०२६ रोजी बारामती येथे झालेल्या लिअरजेट ४५ (VT-SSK) विमानाच्या अपघातानंतर DGCA ने कंपनीची तपासणी केली होती.

या विमानांवर बंदी घालण्यात आली?

VT-VRA

VT-VRS

VT-VRV

VT-TRI

ही विमाने पूर्णपणे दुरुस्त होईपर्यंत आणि सुरक्षित होईपर्यंत उड्डाणासाठी बंद राहतील. DGCA ने कंपनीला डेफिशियन्सी रिपोर्टिंग फॉर्म्स जारी केले असून, नियमबाह्य गोष्टींचे मूळ कारण (Root Cause Analysis) सादर करण्याचे निर्देश दिले आहेत. कंपनीचा अहवाल मिळाल्यानंतर पुढील कारवाई निश्चित केली जाईल असं डीजीसीएने सांगितलं आहे.

राज्याचे माजी मुख्यमंत्री अजित पवार यांचे २८ जानेवारी २०२६ रोजी प्रचारसभेला जात असताना त्यांचे विमान बारामतीत कोसळले. यामध्ये अजित पवार यांच्यासह ५ जणांचा मृत्यू झाला होता. या अपघाताची सीबीआय चौकशी करण्याची मागणी कुटुंबियांनी केली आहे.