Sonam Wangchuk यांच्या मुक्ततेसाठी महाराष्ट्रातून हाक

Ladakh's Gandhian leader लडाखचे गांधीवादी नेते, environmental and education expert, researcher, Sonam Wangchuk पर्यावरण आणि शिक्षण तज्ञ, संशोधक, सोनम वांगचुक यांच्यावर National Security Act India देशद्रोहाचा आरोप ठेवून राष्ट्रीय सुरक्षा कायद्याखाली अटक करणाऱ्या केंद्र सरकारचा शेतकरी संघटनेच्या कार्यकारिणीत निषेध करण्यात आला. सोनम वांगचुक यांच्या कार्याचा आढावा घेऊन त्यांच्या अटकेची पार्श्वभूमी विशेष निमंत्रित अमर हबीब यांनी मांडली.

सैनिकांचा मुलगा असलेल्या सोनम वांगचुक यांनी भीषण थंडीत राहणाऱ्या सैनिकांसाठी सौर ऊर्जेचा वापर करून राहण्याचे तंबू विकसित केले आहेत. त्यांना देशद्रोही म्हणणे कृतघ्नपणा आहे. केंद्र सरकारने मागील निवडणुकीत दिलेल्या आश्वासनांची पूर्तता करण्याची सोनम वांगचुक यांची मागणी आहे. त्यांना देशद्रोही म्हणणे संतापजनक आहे आहे. असा ठराव शेतकरी संघटनेचे अध्यक्ष रघुनाथदादा पाटील यांनी मांडला. त्याला कार्याध्यक्ष कालिदास आपेट यांनी अनुमोदन दिले. कार्यकारणीच्या सर्व सदस्यांनी हात उंचावून पाठिंबा जाहीर केला.

या ठरावात पुढे म्हटले आहे की, या ठरावा द्वारे आम्ही भारतीय जनतेला आवाहन करतो कि, सोनम वांगचुक यांना तुरुंगातून तात्काळ मुक्त करावे, या मागणीसाठी शांतीपूर्ण रीतीने सरकारच्या भूमिकेच्या विरोधात रस्त्यावर यावे. सोनम वांगचुक यांच्या मुक्तीसाठी सर्व संघटना व चळवळींनी एकत्र यावे. असे आवाहन रघुनाथदादा पाटील, कालिदास आपेट, शिवाजी नांदखिले, डॉ .प्रगती चव्हाण आदिंनी केले आहे. बैठकीला विविध जिल्ह्यांचे प्रतिनिधी उपस्थित होते. सोनम वांगचुक यांना मुक्त करा अशी मागणी करणारे फलक गावोगाव लावण्यात येतीलं असे शेतकरी संघटनेचे अध्यक्ष रघुनाथ दादा पाटील यांनी सांगितले.