MaxMaharashtra Exclusive : मुंबई-पुणे हायवे जाम, प्रवाशांचे अतोनात हाल, मॅक्स महाराष्ट्रच्या संपादकांनी रस्त्यावर उतरुन वाहतूक केली सुरळीत !
Maxmaharashtra Exculsive Mumbai-Pune highway jammed मुंबई-पुणे एक्सप्रेस हायवे कालपासून बंद असल्यानं प्रवाशांचे अतोनात हाल होत आहेत. गॅस टॅंकर उलटल्यानं संपूर्ण वाहतूक सेवा विस्कळीत झाली. याचा सर्वाधिक फटका प्रवशांना बसला आहे. कालपासून १०-१० किलो मीटरच्या वाहनांच्या रांगा लागल्या असून कोणत्याही प्रकारच्या मूलभूत सेवा प्रवाशांना पुरवण्यात आल्या नाही. अडकलेल्या प्रवाशांचा संताप व्यक्त होत असताना आयआरबीचा आणखी एक पराक्रम समोर आला आहे तो म्हणजे मुंबईकडून पुण्याच्या दिशेने जाणाऱ्या वाहनांना कोणत्याही पद्धतीच्या सूचना न देता वाहनचालकांकडून टोल आकारण्यात येत आहे. रस्त्यांवर वाहनांच्या दूर-दूरपर्यंत रांगा असूनही हा टोल आकारण्यात येत असल्यानं मॅक्स महाराष्ट्रचे संपादक रवींद्र आंबेकर, आणि मॅक्स महाराष्ट्र हिंदीचे संपादक मनोज चंदेलिया यांनी खालापूर टोलनाका प्रशासनाला जाब विचारला असून तेथील कर्मचाऱ्यांना पुढे रस्ता जाम असल्याच्या सूचना देण्यासाठी सांगितले असता कर्मचाऱ्यांकडून तसा प्रतिसादही मिळाला नाही. मात्र अनेक प्रयत्नानंतर टोलनाका प्रशासनाला प्रवाशांना सूचना देण्यास आणि टोल न घेण्यास भाग पाडलं यानंतर रस्त्यावरील वाहतूक हळूहळू सुरळीत होत आहे.
दरम्यान, काल मंगळवार दिनांक 03.02.26 रोजी संध्याकाळी पाच वाजताच्या सुमारास खंडाळा घाटामध्ये मुंबई कॉरिडॉर ( मुंबईच्या दिशेने जाणाऱ्या ) आडोशी बोगदा या ठिकाणी एक केमिकल टँकर पलटी झाला आहे. त्यामधून ज्वालाग्रही गॅस लिकेज होत असून सर्व यंत्रणा युद्धपातळीवर काम करीत आहेत. वाहनांच्या सुरक्षिततेकरिता मुंबईकडील मार्ग बंद करण्यात आला आहे. त्यामुळे मुंबई व पुणे या दोन्ही मार्गावर वाहतूक कोंडी झाली असून आज एक्सप्रेस वे चा प्रवास शक्यतो टाळावा. असं महामार्ग सुरक्षा पथकाने आवाहन केलं आहे.
नेमकं काय झालं मुंबई-पुणे एक्सप्रेसवर ? नागरिकांचे हाल होत असताना टोल का आकारण्यात येत आहे असा जाब संपादकांनी विचारला असून रस्त्यावर उतरून प्रवाशांना वाहतूक सुरळीत करून दिली पाहा काय झालं?
