Gudi Padwa and Marathi Identity : हिंदू नववर्ष की मराठी नववर्ष?

Shobhayatra on Gudi Padwa गुढीपाडव्याच्या (मराठी नववर्ष) निमित्ताने पुन्हा एकदा हिंदू नववर्ष आणि मराठी नववर्ष यांच्यातील फरक, सांस्कृतिक महत्त्व आणि भाषिक-प्रादेशिक ओळखीचा मुद्दा चर्चेत आला आहे. यासंदर्भात मॅक्स महाराष्ट्रवर डॉ. दीपक पवार यांनी अभ्यासपूर्ण असं विश्लेषण केलं आहे. गुढीपाडवा हा प्रामुख्याने मराठी अस्मिता आणि महाराष्ट्राचा स्थानिक सण म्हणून साजरा केला जातो. हा सण उगादी या नावाने आंध्र प्रदेश आणि कर्नाटकात साजरा होतो, पण तिथे स्थानिक भाषा, संस्कृती आणि रोजगाराच्या प्रश्नांना केंद्रस्थानी ठेवून तो साजरा केला जातो. महाराष्ट्रात मात्र काही ठिकाणी हा सण फक्त हिंदू नववर्ष म्हणून साजरा केला जातो, ज्यामुळे मराठी भाषा आणि प्रादेशिक स्वाभिमानाच्या मुद्द्याकडे दुर्लक्ष होत असल्याची खंत त्यांनी यावेळी व्यक्त केली. या सणाच्या निमित्ताने मराठी भाषेचा स्वाभिमान जागृत करणं, स्थानिक रोजगार आणि भाषेच्या मुद्द्यांवर आवाज उठवणं गरजेचं आहे असं त्यांनी म्हटलं आहे. सोबतच पाडव्याच्या दिवशी शोभयात्रेचं आयोजन केलं असून त्या यात्रेचं महत्त्व महाराष्ट्रासाठी मराठी माणसासाठी किती महत्त्वाचं आहे हे देखील त्यांनी सांगितलं आहे. पाहा हा व्हिडिओ...