महाराष्ट्रात शरद पवार यांच्या शिवाय भविष्य पाहा, वरीष्ठ कॉंग्रेस नेत्याचा अहवाल

महाराष्ट्रात शरद पवार यांच्या विना कॉंग्रेस ने आपलं भवितव्य पाहायला हवंः कॉंग्रेसच्या वरिष्ठ नेत्याचा अहवाल

महाराष्ट्रात विधान परिषदेच्या निवडणूकीत कॉंग्रेसच्या झालेल्या क्रॉस वोटींग प्रकरणात कॉंग्रेसने वरीष्ठ नेते मोहन प्रकाश यांची पर्यवेक्षक म्हणून नेमणूक केली होती.

कॉंग्रेस ने चंद्रकांत हंडोरे आणि भाई जगताप यांना विधानपरिषदेची उमेदवारी दिली होती. चंद्रकांत हंडोरे यांना पहील्या पसंतीचे मतदान करण्याचा आदेश असतानाही त्यांचा पराभव झाला. तर भाई जगताप यांचा अटीतटीच्या लढाईत विजय झाला होता.

कॉंग्रेसच्या ७ आमदारांनी क्रॉस वोटिंग केल्याचं बोललं जात आहे. यामध्ये कॉंग्रेस च्या नेत्यांकडून लिखित स्वरूपात जवाब घेतल्याचं बोललं जात आहे. चंद्रकांत हंडोरे एक दलित नेते आहेत. त्यांचा झालेला पराभवावर कॉंग्रेस च्या शिर्ष नेतृत्वाने याकडे बारकाईने लक्ष दिले आहे.

दरम्यान मोहन प्रकाश यांनी आपला अहवाल कॉंग्रेस अध्यक्ष सोनिया गांधी यांना सोपवला आहे.

या अहवालात

महाराष्ट्र कॉंग्रेसच्या नेत्यांमध्ये एकमेकांबाबत विश्वास नाही. कॉंग्रेसच्या नेत्यांमध्ये एकता नाही.

तीनही पक्षांनी एकत्र निवडणूक लढायला हवी

शरद पवार यांच्या विना कॉंग्रेस ने आपलं भवितव्य पाहायला हवं.

असं नमूद करण्यात आल्याची माहिती सुत्रांनी दिली आहे.