जोकोविचचं विक्रमाचं स्वप्न भंगलं; US Open मध्ये रशियाच्या डेनिल मेदवेदेवचा विजय

युएस ओपन पुरुष एकेरीच्या अंतिम लढतीत रशियाच्या डेनिल मेदवेदेव याने विजय मिळवत जगज्जेता असलेल्या सर्बियाच्या नोवाक जोकोविचचा सरळ सेटमध्ये पराभव केला आहे. रशियाच्या डेनिल मेदवेदेव याने जोकोविचचा  6-4, 6-4, 6-4 अशा सेटमध्ये पराभव केला आहे,आणि पहिला ग्रँडस्लॅम आपल्या नावावर केला आहे. त्यामुळे जोकोविचचे 21 वे ग्रँड स्लॅम जिंकण्याचे स्वप्न भंगले आहे. जोकोविचला नेहमीप्रमाणे आपल्या शैलीत कामगिरी करता आलेली नाही. तर तिसऱ्यांदा ग्रँडस्लॅम फायनलमध्ये पोहोचलेल्या 25 वर्षीय मेदवेदेवने त्याच्या करिअरमधील पहिले ग्रँडस्लॅम जिंकले आहे. विशेष म्हणजे या वर्षाच्या सुरुवातीला मेदवेगदेव ऑस्ट्रेलियन ग्रँडस्लॅमच्या फायनलमध्ये गेला होता. आणि मेदवेदेवने जोकोविचला दोन इतिहास रचण्यापासून दूर ठेवले आहे. जोकोविच हा

सामना जिंकून युएस ग्रँडस्लॅमचे जेतेपदही खिशात घालणार होता.मात्र मेदवेगदेवने त्याच स्वप्न भंग केलं आहे.

जोकोविच आज आणखी एक विक्रम रचणार होता. आजवर रॉजर फेडरर, राफेल नादाल यांच्यासह जोकोविचने प्रत्येकी 20-20 ग्रँडस्लॅम जिंकले आहेत. परंतू या सामन्यातील पराभवामुळे त्याची ही संधी हुकली आहे.