मुंबई-पुणे एक्स्प्रेस वेवरील वाढती वाहतूक आणि अपघात पाहता हा मार्ग ८ लेनचा करण्यात यावा, अशी मागणी विरोधी पक्षनेते अजित पवार यांनी केली आहे. विनायक मेटे यांच्या अपघाती निधना संदर्भातील चर्चेत बोलताना अजित पवार यांनी ही मागणी केली. तसेच हायवेवर अपघात झाल्यानंतर हद्दीचे कारण पोलीस देतात, त्याबाबत नियमांमध्ये बदल करण्याची मागणी त्यांनी केली. यावर उपमुख्यमंत्री देवेंद्र फडणवीस यांनी ८ लेन करण्याबाबत लवकरात लवकर निर्णय घेतला जाईल, अशी माहिती त्यांनी दिली.