प्रशासनात आपल्याच मर्जीतले-ताटाखालचे अधिकारी बसवून त्यांच्यामार्फ़त ब्लॅक लिस्टेड कंपन्यांना आरोग्य विभागाच्या पदभरती परीक्षेचे कंत्राटं द्यायचे, असा आरोप भाजपचे आमदार गोपीचंद पडळकर यांनी केला आहे. आरोग्य विभागाच्या परीक्षेतील पेपर फुटीच्या लिंक आरोग्यमंत्र्यांच्या जिल्ह्यापर्यंत पोहोचल्याचा आरोप करत पडळकर यांनी आता आरोग्यमंत्री राजेश टोपे यांनाच लक्ष केले आहे. तसेच याप्रकरणी आरोग्यमंत्र्यांच्या चौकशीची मागणी केली आहे. राज्य सरकारने याबाबत टाळाटाळ केली तर या घोटाळ्याची चौकशी सीबीआयने करावी अशी मागणीही पडळकर यांनी केली आहे.