ऑफिसमधून धावतपळत घरी आल्यावर आधी रिमोट हातात घेऊन आवडती सिरीअल पाहणं किंवा रामायण महाभारतासारख्या सिरीअल लागल्यावर सामसूम होणारे रस्ते हे कालबाह्य झालंय. साप्ताहिक सीरिअल तर सोडाच डेली सोपसुध्दा आता आऊटडेटेड होऊ लागल्यात. याउलट ऑफिसमध्येच असताना आपल्या आवडत्या वेबसीरीजचा एपिसोड किंवा पूर्ण सीजनचं डाउनलोड करून तो मेट्रो किंवा ट्रेनमध्ये बसल्याबसल्या लगेच पाहाणे हे नवा ट्रेन्ड आहे.