Rajya Sabha Results 2026 : एनडीएची दमदार कामगिरी; ११ पैकी ९ जागांवर विजय, काँग्रेसला फक्त १ जागा
Rajya Sabha Elections 2026 राज्यसभेच्या ३७ जागांसाठी १६ मार्च २०२६ रोजी झालेल्या निवडणुकीत २६ उमेदवार बिनविरोध निवडून आले. उर्वरित ११ जागांसाठी बिहार (५), ओडिशा (४) आणि हरियाणा (२) या राज्यांमध्ये मतदान झाले. या निकालात एनडीएने मोठी बाजी मारली असून, बिहारमध्ये पूर्ण स्वीप करत सर्व ५ जागा जिंकल्या, तर ओडिशामध्ये ३ जागा (भाजप २ + भाजप-समर्थित निर्दलीय १) मिळवल्या. हरियाणात मतगणनेदरम्यान मतपत्रिका गुप्ततेच्या उल्लंघनाच्या वादामुळे उशीर झाला, पण शेवटी काँग्रेस आणि भाजप यांनी प्रत्येकी एक जागा जिंकली.
NDA sweep in Bihar 2026 बिहारमध्ये एनडीएचा पूर्ण विजय, महागठबंधनाला मोठा धक्का
बिहारमध्ये एनडीएच्या उमेदवारांनी जबरदस्त कामगिरी केली. मुख्यमंत्री नीतीश कुमार (जदयू) आणि भाजपचे राष्ट्रीय अध्यक्ष नितीन नबीन यांना प्रत्येकी ४४ पहिल्या पसंतीच्या मते मिळाली. जदयूचे रामनाथ ठाकूर आणि राष्ट्रीय लोक मोर्चाचे उपेंद्र कुशवाहा यांना प्रत्येकी ४२ मते मिळाली. पाचव्या जागेसाठी भाजपचे शिवेश कुमार यांनी दुसऱ्या पसंतीच्या मतांच्या जोरावर विजय मिळवला. शिवेश कुमार यांना एकूण ४,२०२ मते मिळाली, तर महागठबंधनाचे अमरेंद्र धारी सिंह यांना ३,७०० मते मिळाली. पहिल्या पसंतीत अमरेंद्र धारी सिंह ३७ मतांनी पुढे होते, पण महागठबंधनातील चार आमदार (काँग्रेसचे तीन आणि राजदचा एक) मतदानापासून दूर राहिल्याने एनडीएला फायदा झाला. या आमदारांमध्ये मनोहर प्रसाद, सुरेंद्र कुशवाह, मनोज विश्वास आणि फैसल रहमान यांचा समावेश होता. एनडीएच्या २०२ आमदारांनी मतदान केले.
ओडिशामध्ये क्रॉस-व्होटिंगमुळे एनडीएला फायदा
ओडिशाच्या ४ जागांपैकी भाजपने दोन जागा जिंकल्या, तर एक जागा भाजप-समर्थित निर्दलीय दिलीप राय यांनी आणि एक जागा बीजेडीचे संरित मिश्रा यांनी जिंकली. भाजपचे मनमोहन सामल आणि सुजित कुमार यांचा विजय झाला. बीजेडी आणि काँग्रेसच्या काही आमदारांनी क्रॉस-व्होटिंग केल्याने हा निकाल बदलला. मतपत्रिकेच्या गुप्ततेच्या उल्लंघनाच्या आरोपांमुळे प्रक्रिया काही वेळ थांबली होती.
हरियाणामध्ये गुप्ततेचा वाद, ५ तास उशिरा निकाल
हरियाणात मतदानादरम्यान आमदारांनी मतपत्रिका दाखवल्याच्या आरोपांमुळे भाजप आणि काँग्रेस दोघांनी निवडणूक आयोगाकडे तक्रार केली. अनिल विज, परमवीर सिंह आणि भरत बेनिवाल यांच्या मतांवर आक्षेप घेण्यात आले. आयोगाने अनिल विज आणि भरत बेनिवाल यांची मते वैध ठरवली, तर परमवीर सिंह यांचे मत अवैध ठरवले. शेवटी काँग्रेसचे करमवीर सिंह बौद्ध आणि भाजपचे संजय भाटिया (अपक्ष सतीश नंदल यांना पाठिंबा) विजयी झाले. काँग्रेस अध्यक्ष मल्लिकार्जुन खरगे यांनी "हस्तक्षेप"चा आरोप केला होता.
राज्यसभा निवडणुकीत ७ राज्यांमध्ये बिनविरोध निवडून आलेले उमेदवार...
महाराष्ट्र (७ जागा) बिनविरोध निवडून आले.
विनोद तावडे – भाजप
रामराव वडकुटे – भाजप
माया इवनाटे – भाजप
रामदास आठवले –आरपीआय
ज्योती वाघमारे – शिवसेना
पार्थ पवार – राष्ट्रवादी काँग्रेस
शरद पवार – राष्ट्रवादी काँग्रेस (शरद पवार )
हिमाचल प्रदेश (१ जागा)
अनुराग शर्मा – काँग्रेस
तेलंगणा (२ जागा)
अभिषेक मनु सिंघवी – काँग्रेस
वेम नरेंद्र रेड्डी – काँग्रेस
छत्तीसगड (२ जागा)
लक्ष्मी वर्मा – भाजप
फुलो देवी नेताम – भाजप
आसाम (३ जागा)
जोगेन मोहन – भाजप
तेराश गोवाला – भाजप
प्रमोद बोरो – यूपीपीएल
तामिळनाडू (६ जागा)
तिरुची शिवा – द्रमुक
जे. कॉन्स्टँटाईन रवींद्रन – द्रमुक
एम. थंबी दुराई – एआयएडीएमके
अंबुमणी रामदास – पीएमके
एम. क्रिस्टोफर तिलक – काँग्रेस
एल.के. सुधीश – डीएमडीके
पश्चिम बंगाल (५ जागा)
बाबुल सुप्रियो – टीएमसी
राजीव कुमार – टीएमसी
मेनका गुरुस्वामी – टीएमसी
कोयल मल्लिक – टीएमसी
राहुल सिन्हा – भाजप
हरियाणा
करमवीर सिंह बौद्ध – काँग्रेस
संजय भाटिया – भाजप
या निकालामुळे राज्यसभेत एनडीएचे वर्चस्व अधिक मजबूत झाले असून, बिहार आणि ओडिशातील क्रॉस-व्होटिंग आणि गैरहजेरीमुळे विरोधकांना मोठा धक्का बसला आहे.
