Review of Rohit Pawar Presentation : "कायदे कितीही कडक बनवले तरी अंमलबजावणीची गुणवत्ता सत्ताधाऱ्यांवर अवलंबून असते"

Rohit Pawar रोहित पवार यांनी अगदी काही दिवसात एखाद्या investigative journalist इन्वेस्टीगेटिव्ह जर्नलिस्टच्या तोडीचे काम करत काल अजित पवार यांच्या झालेल्या अपघाताबद्दल प्रेझेन्टेशन केले. त्यातील सत्य लवकरात लवकर पुढे यावे ही साऱ्या महाराष्ट्राची इच्छा नक्कीच आहे. पण एक मुद्दा. जो रोहित पवारांसारख्या होतकरू तरुण, प्रोफेशनल तरुण नेत्यांनी लक्षात घ्यावयास हवा. VSR Ventures व्हि एस आर या कंपनीच्या अशाच विमानाला मुंबई विमानतळावर दोन वर्षापूर्वी अपघात झाला होता. त्यानंतर युरोपात या कंपनीवर बंदी घालण्यात आली होती असे पवार सांगतात. आणि भारतातील नियामक मंडळांनी याची दखल न घेता, त्या कंपनीविरुद्ध कोणतीही कारवाई का केले नाही असा सयुक्तिक प्रश्न उपस्थित करतात.

शासनाकडून एखाद्या कॉर्पोरेट विरुद्ध कारवाई का होत नाही याची कारणे आता शाळेतल्या विद्यार्थ्यांना देखील माहित आहेत. यातून पुढे येणारे प्रश्न फक्त व्हि एस आर पुरते मर्यादित नाहीत तर ते सिस्टीम सबंधित प्रश्न आहेत. रोहित पवार यांच्यासारख्या तरुण राजकीय नेत्यांसाठी हा धडा आहे. की शासन यंत्रणा चालवण्याची जबाबदारी राजकीय नेत्या, कार्यकर्त्यांनी घेतल्यानंतर…प्रचंड आर्थिक, वित्तीय ताकद असणाऱ्या कॉर्पोरेट आणि त्यांच्या प्रवर्तक, अधिकाऱ्यांना चार हात दूर ठेवले पाहिजे. नाहीतर कॉर्पोरेट ज्या अनियमितता करतात त्याकडे शासन यंत्रणेकडून डोळेझाक केली जाऊ शकते. त्याची झळ कोणालाही, अगदी कोणालाही बसू शकते. कॉर्पोरेट सत्ताधाऱ्यांना मिठी मारायला येणार कारण त्यात त्यांचे आर्थिक हितसंबंध आहेत. पण अशी मिठी मारू द्यायची की नाही , अंतर ठेवायचे की नाही हे राजकीय, नेत्या कार्यकर्त्यांचा निर्णय असणार आहे. कंपनी कायदा, कॉर्पोरेट गव्हर्नन्स, आणि इतर अनेक कायदे कितीही आदर्श आणि कडक बनवले तरी त्यांच्या अंमलबजावणीची गुणवत्ता सत्ताधाऱ्यांवर निर्णयकपणे अवलंबून असते. नेहमीच राहील.

संजीव चांदोरकर (११ फेब्रुवारी २०२६)

(साभार- सदर पोस्ट संजीव चांदोरकर यांच्या फेसबुक भिंतीवरून घेतली आहे.)

Rohit Pawar, Ajit Pawar Accident, VSR Ventures, Plane Crash Investigation, Maharashtra Politics