Raghav Chadha fights for common man : राघव चढ्ढा संसदेतील सर्वसामान्यांचा आवाज !

Raghav Chadha raises common man issues खासदार राघव चढ्ढा संसदेच्या सर्वोच्च सभागृहात प्रश्न विचारायत सर्वसामान्य जनतेसाठी... मोबाईल कंपन्यांची लूट हा सध्याचा ज्वलंत विषय त्यांनी लावून धरला आहे. मोबाईल डेटा रात्री का बंद होतो..?? महिन्याचे 31 दिवस असतांना मोबाईल कंपन्या 28 दिवसांचाच रिचार्ज का देतात.? telecom companies recharge scam वगैरे वगैरे...

अनेक विषय सोडवले गेले जेव्हा या माणसानं सभागृहात गोंधळ न घालता ते सभ्यपणे लावून धरले. डिलिव्हरी बॉईजचा 10 मिनिटांत डिलिव्हरी हा एक त्यातलाच एक अन्याय्य विषय.! विविध चार्जेस लावून, डिजिटल व्यवहाराच्या माध्यमातून सध्या बँका ग्राहकांची कशी लूट करताहेत हे त्यांनी तपशिलात नुकतंच सभागृहात सांगितले आहे. ऑनलाईन गुंतवणूक करणाऱ्या लाखो कोट्यावधी मध्यमवर्गीय गुंतवणूकदारांवर सरकारनं डबल टॅक्स लावल्यानं शेअर्समध्ये दीर्घकाळ गुंतवणूक करणाऱ्या छोट्या गुंतवणूकदारांना अनेकदा तोट्याला सामोरे जावे लागते आहे. सरकारने मध्यमवर्गीय गुंतवणूकदारांचे संरक्षण करावे अशी स्पष्ट मागणी त्यांनी संसदेच्या सभागृहात केली. एकच..सिंगल कर झाल्यास देशांत शेअर्समध्ये गुंतवणूक कित्येक पटीनं वाढेल असे त्यांनी ठामपणे सांगितलं. सर्वसामान्यांची एव्हढी कुणाला पडलेय का राघव चढ्ढा सोडून.!

बाकीचे वेगवेगळ्या देशांत प्रतिनिधी म्हणून अभ्यास दौरे करतायत.( गोरगरिबांसाठी..!! ) एकीकडे सरकारवर टीका करायची आणि दुसरीकडे त्यांनी दिलेल्या सुविधा उपभोगायच्या.! दुटप्पीपणाचे गौरीशंकर... यांची सभागृहातील राजकीय स्टंटबाजी ऐकून पाहून वीट ( की वात..) आलेल्या आम्हा जनसामान्यांना राघव चढ्ढा म्हणजे एक प्रसन्न दिलासा आहे. शिक्षणाने चार्टर्ड अकाउंटन्टंट असलेला हा अव्वल लोकप्रतिनिधी... सर्वसामान्यांसाठी भांडतोय संसदेत.

वेडाच आहे.. म्हणायचं.! करोडो रुपये छापायचे, फार्म हाऊसेस, विविध ठिकाणी घरे बंगले, दागदागिने, परदेशी टूर्स, कोट्यवधींच्या गाड्या, चार्टर्ड विमाने वगैरे संपत्ती गोळा करायची सोडून हे काय धंदे करतोय हा. भिकेचे डोहाळे लागलेत जणू.!

गुगल त्याची संपत्ती 50 लाख दाखवतंय. बस्स एव्हढीच. इतकी तर त्यानं सीए म्हणून व्यवसायातूनही कमावली असेल. असो. थोडसं घ्या हो राव, त्या राघव चढ्ढा यांचेकडून.. काहीतरी घ्या.!