युद्धाच्या झळा : कांदा निर्यातीत ९०% घट, शेतकरी हवालदिल...
पश्चिम आशियात भडकलेल्या इराण-अमेरिका युद्धाच्या झळा शेतकरी वर्गाला सोसाव्या लागत आहे. शेती आणि शेतकऱ्यांच संपूर्ण अर्थकारण बदलून गेलं आहे. कांदा उत्पादक शेतकऱ्यांचा कांदा निर्यात पूर्ण ठप्प आल्याने त्याचा थेट फटका शेतकऱ्यांना बसत आहे. कांदा भावही खाली आल्याने शेतकऱ्यांना उत्पादन खर्च काढणही कठीण झालं आहे.
युद्धामुळे ९० टक्के कांदा निर्यात प्रभावित :
अमेरिका इराण युद्धाचा आजचा ३६ वा दिवस आहे. युद्ध थांबण्याऐवजी अधिक अनिश्चितता वाढत असल्याने त्याचा परिणाम भारतीय कृषी क्षेत्राला सोसावा लागत आहे. नाशिक, लासलगाव, येवला बाजार समितीत मोठ्या प्रमाणात कांद्याची आवक वाढली आहे. मात्र भाव प्रचंड खाली आले आहेत. आखाती देशात कांदाची निर्यात मोठ्या प्रमाणात होतं होती. मात्र गेल्या महिन्याभरापासून युद्धामुळे कांदा निर्यात थांबला आहे. दर आठवड्याला कांदाचे ४०० कंटेनर जात होते आता फक्त १० टक्केच कांदा मोठ्या मुश्किल जात आहे. कांदा निर्यातीत जवळजवळ ९० टक्के घट झाली आहे.
गेल्या वर्षी दर आठवड्याला कांदाचे ४०० कंटेनर दुबई, सौदी अरेबिया, कुवेत, ओमान, कतारसारख्या देशांमध्ये जात होता, तो आता केवळ १० कंटेनरवर येऊन ठेपला आहे. निर्यातीत झालेल्या या ९० टक्के ऐतिहासिक घटीमुळे शेतकऱ्यांना उत्पादन खर्च काढणेही कठीण जात आहे.
कांदा निर्यात कंपन्यांनी निर्यात थांबवली :
इरान इस्रायल अमेरिका युद्ध आणि भू-राजकीय स्थितीमुळे जहाज मार्गांमध्ये अडथळे, जहाजांची कमतरता आणि वेळापत्रकात अनिश्चितता निर्माण झाली आहे. इमर्जन्सी फ्युएल सरचार्ज आणि वॉर रिस्क प्रिमियममुळे वाहतूक खर्चात मोठी वाढ झाली आहे. या व्यतिरिक्त, पॅकिंग साहित्याच्या किमतीत १० ते २०% वाढ झाल्याने निर्यातदारांवर अतिरिक्त आर्थिक बोजा पडत आहे. कांदा निर्यात करताना विविध प्रकारचे विमा घेतले जातात. परंतु युद्धासारख्या परिस्थितीत विमा नसल्यामुळे अनेक कंपन्यांनी कांदा निर्यातीचे काम थांबवल्याचे स्पष्ट केले.
onion export India, onion export decline India, onion prices crash India, farmer crisis India, agriculture crisis India, Iran US conflict impact India, Middle East war impact on India, onion market India, Lasalgaon onion market news, Nashik onion price today
