Bhosari Land Scam : एकनाथ खडसे पती पत्नीविरुद्ध अजामीनपात्र वॉरंट जारी

Money Laundering Case एकनाथ खडसेंचा पाय आणखीनच खोलात जाण्याची शक्यता आहे. पुण्यातील भोसरी भूखंड व्यवहाराशी संबंधित मनी लॉन्ड्रिंग प्रकरणात विशेष न्यायालयाने माजी महसूल मंत्री तथा राष्ट्रवादी शरद पवार गटाचे नेते एकनाथ खडसे आणि त्यांच्या पत्नी मंदाकिनी खडसे यांच्याविरोधात अजामीनपात्र वॉरंट जारी केले आहे. आरोप निश्चितीच्या सुनावणीस गैरहजर राहिल्याने आणि माफी अर्जात कोणत्या व्यक्तिगत समस्येमुळे ते गैरहजर राहिले याचे ठोस कारण नसल्याचे नमूद करत न्यायालयाने हा आदेश दिला. एकनाथ खडसे हे सद्या राष्ट्रवादी शरद पवार पक्षाचे आमदार आहेत. यामुळे खासदार-आमदार खटल्यांचे विशेष न्यायाधीश महेश जाधव यांच्या 'न्यायालयाने हा आदेश पारित केला.

ईडीने पुणे एसीबीने दाखल केलेल्या एफआयआरच्या आधारे तपास सुरू केला आहे. २०१६ मध्ये मंत्री असताना खडसे यांनी अधिकाराचा गैरवापर करून पत्नी व जावयासाठी भोसरी औद्योगिक क्षेत्रातील ३ एकर भूखंड ३.७५ कोटी रुपयांत खरेदी केल्याचा आरोप आहे, त्याचे बाजार मूल्य ३१.०१ कोटी रुपये होते. यापूर्वी न्यायालयाने त्यांचा डिस्चार्ज अर्जही फेटाळला होता. पुढील सुनावणी १२ फेब्रुवारीला होणार आहे.

तुम्ही ED लावली तर मी CD लावेल असा इशारा भाजप सोडून राष्ट्रवादी काँग्रेस प्रवेशावेळी शरद पवारांच्या समोर भाजपला एकनाथ खडसेंनी दिला होता आता आजामीनपात्र वॉरंट आल्याने खडसे पुढच पाऊल काय उचलणार याकडे सर्वांचे लक्ष लागून आहे.

Eknath Khadse, Non-Bailable Warrant, Bhosari Land Scam, Money Laundering Case, Enforcement Directorate (ED