IMD rain alert : राज्यात 3 दिवस पावसाची शक्यता, गहू-हरभरा कापणीसाठी शेतकऱ्यांना अलर्ट !
राज्यात सध्या मार्चमध्येच मे हिटचा सामना करावा लागतोय. उन्हाच्या झळा तीव्र होत असतांनाच येत्या तीन दिवस पावसाची शक्यता हवामान विभागाने वर्तवली आहे. राज्यात गेल्या काही दिवसांपासून कडक उन्हाचा तडाखा जाणवत आहे. मार्च महिन्यातच राज्यातील काही भागात 40 ते 41 अंश डिग्री सेल्सिअस तापमान पोहचलं आहे. आता त्यात बदल होण्याचा अंदाज हवामान विभागाणे दिला आहे. शुक्रवार म्हणजे १३ मार्च ते रविवार १५ मार्च या कालावधीत मराठवाडा, मध्य महाराष्ट्र, विदर्भातील काही भागांत अवकाळी पावसाची शक्यता हवामान विभागाने वर्तवली आहे. रब्बी हंगामातील गहू, हरबरा तसच मका काढण्याच काम सुरु आहेत. यामुळे शेतकऱ्यांनी आवश्यक ती काळजी घेणे आवश्यक आहे. दरम्यान हवामान विभागाच्या अंदाजानुसार गुरुवारी विदर्भातील काही भागांत उष्णतेची लाट कायम राहू शकते. त्यानंतर शुक्रवारपासून वातावरणात बदल होण्याची शक्यता आहे. काल भुसावळला सर्वाधिक 41 अंश तापमानाची नोंद करण्यात आली तर जळगाव अमरावती जिल्ह्यात 40.4 अंश तापमानाची नोंद झाली आहे तर कोल्हापूरला 35 अंश तापमान पोहचलं आहे.
weather forecast Maharashtra, rain forecast Maharashtra, Maharashtra summer heat, IMD rain alert,Vidarbha heat wave, Marathwada rain forecast, Madhya Maharashtra weather, Bhusawal temperature record, Jalgaon temperature today
