वारकरी संप्रदायाचा इतिहास न कळल्याने फडणवीसांचा घोळ?

Devendra Fadnavis on Sharad Pawar Warkari comment देवेंद्र फडणवीसांचा वैचारिक गोंधळ त्यांच्याच विधानातून समोर आला. शरद पवारांचं राजकारण निधर्मी आहे म्हणून वारकरी संप्रदायाशी त्यांचा संबंध नाही असं फडणवीस म्हणतात पण मुळात वारकरी संप्रदाय निधर्मीच आहे हेच फडणवीसांना माहीत नसावं. Sheikh Muhammad and Jaitunbi शेख महंमद आणि जैतुनबी यांच्यासारख्या मुस्लीमांना संतपद देणारा संप्रदाय निधर्मीच असतो, धार्मिक नसतो. Tukaram तुकाराम महाराजांचे अल्लाशी संबंधित अभंग त्यांनी वाचले नसावेत.

फडणवीसांनी आसपासचे अत्यंत सुमार दर्जाचे लोक दूर केले तर त्यांना खरा वारकरी संप्रदाय कळू शकेल. स्वतःच्या religious politics धार्मिक राजकारणासाठी भारतीय अध्यात्मच भाजपानं विकृत करून टाकलेलं आहे त्यामुळे या लोकांना हा संप्रदाय धार्मिक वाटतो. वास्तविक तो धार्मिक नसून फक्त अध्यात्मिक आहे. ज्ञानोबा ते तुकोबा यांची भगवी पताका भागवत धर्माची आहे, मोहन भागवत धर्माची नाही. ज्ञानोबा ते तुकोबा यांचा भागवत धर्म सर्वांचा आहे. या रे या रे सारेजण म्हणणारा आहे; भेदाभेद भ्रम अमंगळ म्हणणारा आहे. ज्ञानोबा ते तुकोबा या सगळ्या संतपरपरेतून RSS संघानं घेतलेला एक तरी विचार फडणवीसांनी दाखवून द्यावा.

भारतीय अध्यात्माच्या संघीकरणाच्या मोहिमेत आफळे नावाचा कीर्तनकार नथूराम गोडसेवर कीर्तन करतो, भिडे वारीत धारकरी घुसवतो हे कशाचं लक्षण आहे? संघाचा आणि वारकरी संप्रदायाचा संबंध फडणवीसांनी दाखवून द्यावा. दूरदूरचा संबंध नाही. वारकरी धोतर घालतात, संघवाले हाफ पॅन्ट आणि आता फुल पॅन्ट. वारकरी पटका अथवा पांढरी टोपी घालतात, संघवाले काळी टोपी. वारीत टाळ-मृदुंग वाजवतात तर संघाच्या संचलनात साइड ड्रम, बास ड्रम, ट्रायंगल ही परदेशी वाद्यं. बाह्यरुपात सुद्धा संघाचा वारकरी संप्रदायाशी कोणताही संबंध नाही.

(साभार - सदर पोस्ट विश्वंभर चौधरी यांच्या फेसबुक भिंतीवरून घेतली आहे.)

Devendra Fadnavis, Sharad Pawar, Warkari Sampradaya, Maharashtra Politics, Bhakti Movement, RSS vs Warkari, Indian Spirituality, Secular India, Sant Tukaram, Dnyaneshwar, Bhagwa tDharma, Political Debate