बोगस दिव्यांग प्रमाणपत्रधारकांवर तुकाराम मुंढेचा कारवाईचा इशारा
दिव्यांग विभागाच्या नव्या वेबसाईटचे मुख्यमंत्र्यांकडून कौतुक
राज्याचे धडाकेबाज प्रशासकीय अधिकारी Tukaram Mundhe यांनी दिव्यांग कल्याण विभागाच्या प्रधान सचिवपदाची सूत्रे स्वीकारल्यानंतर विभागातील कामांना वेग आला आहे. दिव्यांगांसाठीच्या योजनांमध्ये पारदर्शकता आणण्याच्या दृष्टीने महत्त्वाच्या उपाययोजना सुरू करण्यात आल्या आहेत.
याबाबत तुकाराम मुंढे यांनी ट्विट करत स्पष्ट इशारा दिला आहे की, दिव्यांगत्वाचे बोगस किंवा चुकीचे UDID प्रमाणपत्र घेऊन शासकीय नोकरी किंवा इतर योजनांचा लाभ घेणे हा गुन्हा आहे. पडताळणीनंतर अशा बोगस लाभार्थ्यांविरोधात कारवाई सुरू असल्याचे त्यांनी सांगितले. यासंदर्भात त्यांनी मुख्यमंत्री Devendra Fadnavis यांचा अधिवेशनातील व्हिडीओही शेअर केला.
दरम्यान, अर्थसंकल्पीय अधिवेशनात बोलताना मुख्यमंत्री देवेंद्र फडणवीस यांनी दिव्यांग कल्याण विभागाच्या कामाचे कौतुक केले. विभागाने तयार केलेली नवी वेबसाईट अत्यंत उपयुक्त असल्याचे सांगत त्यांनी सर्व दिव्यांगांनी त्यावर नोंदणी करण्याचे आवाहन केले. दिव्यांग विभागात खोटे प्रमाणपत्र देऊन शासनाच्या नोकरीमध्ये फसवणूक झाल्याची वस्तूस्थीती आहे.या संदर्भात चौकशी झाली आहे. कारवाई देखील सुरू आहे. दिव्यांग विभागाने नवी वेबसाईट तयार केली आहे. प्रत्येक दिव्यांग व्यक्तीने यावर नोंदणी करायची आहे. या नोंदणीद्वारे लाभार्थ्यांची प्रमाणपत्रे तपासली जाणार असून, भविष्यात डीजी लॉकरसारखी व्यवस्था उभी करण्याचा सरकारचा मानस असल्याचे त्यांनी स्पष्ट केले.
दिव्यांगत्वाचे बोगस किंवा चुकीचे UDID प्रमाणपत्र घेऊन शासकीय नोकरी किंवा इतर शासकीय योजनांचा लाभ, गैरफायदा घेणे गुन्हा आहे. पडताळणीअंती अशा बोगस व्यक्तींविरोधात कारवाई प्रगतिपथवार आहे. #leadership #tukarammundhe #divyang #justice #empowerment #people #compassion pic.twitter.com/91QdJZ0vEB
— Tukaram Mundhe (@Tukaram_IndIAS) March 26, 2026
या उपाययोजनांमुळे दिव्यांग योजनांमधील गैरव्यवहाराला आळा बसून पात्र लाभार्थ्यांपर्यंत योजना पारदर्शक पद्धतीने पोहोचतील, असा विश्वास सरकारने व्यक्त केला आहे.
